Emîn Gerdîglanî
لە دنیای عاشقیدا کەس وەکوو من چاوەڕێ نەکرا دڵی هیچ کەس بە قەد من دەرد و داخی بۆ بەڕێ نەکرا وتت: ڕۆژێکی دێم بسکم لە ئەستۆت توند دەکەم، شێتی! سپی بوو چاوی ئەم شێتە و بە دەستی تۆ تەمێ نەکرا لە ڕێتا کەوتبووم و پێم نەگیرا چاکی داوێنت لەبەر بێ هێزی دەستم چاوەڕێی چقڵێکی لێ نەکرا لە سەر تۆ بوو بە قوڕگمدا کرا زووخاوی گشت داخێ بەڵام دەفری دڵم چۆڕێ شەڕابی عەشقی تێ نەکرا ژیانم سروەیەک بوو هات و چوو، لێی جێ نەما تۆزێ تەمەن ڕابرد و ڕۆحم مرد ، ئەوەی بۆ دڵ دەبێ نەکرا دەرمهێنا گلێنەم، چاوی خۆم جووت کرد لەبەر پێتا سەرم تۆزی لە سەر نیشت و چەلێ چاوم لە پێ نەکرا! کە ڕووتم دی بزەم هاتێ بەڵام لێوت نەپشکووتن بزەم سەیرە لە سەر هەستت وەکوو باوێشکی پێ نەکرا! وشک بووم و لە چاوەڕوانییا ڕۆیی هەموو ژینم لە دنیای عاشقیدا کەس وەکوو من چاوەڕێ نەکرا
Le dinyay ’aşiqîda kes wekû min çawerê nekira Dilî hîç kes be qed min derd û daxî bo berê nekira Witit: rojêkî dêm biskim le estot tund dekem, şêtî! Sipî bû çawî em şête û be destî to temê nekira Le rêta kewtibûm û pêm negîra çakî dawênit Leber bê hêzî destim çawerêy çiqlêkî lê nekira Le ser to bû be qurgimda kira zûxawî gişt daxê Belam defrî dilim çorê şerabî ’eşqî tê nekira Jyanim sirweyek bû hat û çû, lêy cê nema tozê Temen rabird û rohim mird , ewey bo dil debê nekira Derimhêna gilênem, çawî xom cût kird leber pêta Serim tozî le ser nîşt û çelê çawim le pê nekira! Ke rûtim dî bizem hatê belam lêwit nepşikûtin Bizem seyre le ser hestit wekû bawêşkî pê nekira! Wişk bûm û le çawerwanîya royî hemû jînim Le dinyay ’aşiqîda kes wekû min çawerê nekira