Nasir Rezazî
لە سەر ئارێزەوە با بڕوانم بۆنەکەی خۆشە ئەگاتە گیانم قیبلەکەم شاری سنەی سەربەرزم خاوەنی شۆڕە جوانی تەرزم قیبلەکەم شاری کزی مل بە کوێن گۆڕی پیرۆزی شەهیدان لە کوێن با بچم دەستە گۆڵی لێ دانم دڵی داماوی لە بەر پێ دانم گوڵەبارانی گڵی سمکۆ* کەم گڵەبانانی دڵی پڕسۆ کەم چەپکە شێعرێکی بڵێم بۆ سمکۆ تا وەکوو دەردی گران بێتەوە سۆ هەی لێ هەی لۆ هەی لۆ کوردستان بمرم بۆ تۆ** چاوی ڕاستی مە: گیڤارای کوردی خۆزگەمان پێت کە بە مەردی مردی قارەمان تاجی سەری شێر پیاوان ناوی تۆ بووەتە سرودی لاوان بێ تۆ بێ بابە هەتیوی سەنگەڕ بێ وریشانەوەیە ئاگری شەڕ کۆڕە کورسانی بە عەشقی مەیمان هەموو گیانیان گڕ و سۆزە و پەیمان لە بن ئەو ئاگرە سکڵی سوورن مەشخەڵی نووری بەرەو ڕێی دوورن ژیلەمۆی بێ گڕە پڕ سەودایە ئاگری سووری لە بن سەردایە هەی لێ هەی لۆ هەی لۆ کوردستان بمرم بۆ تۆ گیان گردی سەیوانی سنە کوچکە ڕەشە قیبلەگای هەر دەڵێ وا چارەڕەشە ئازیەتی چارەڕەشی کوچکەڕەشی یا وەکوو ڕەمزە لە بۆ چارەڕەشی سوێند بە خوێنی گەش و سووری دڵی تۆ لە جیای دەست و چەکی ژێر گڵی تۆ بە هەزاران هەزار دەست و تفەنگ هەڵ ئەگرسێنینەوە ئاگری جەنگ تا ئەگەینە ئەوی ڕۆژی واڵا شەنگە باڵا بشەکێنن ئاڵا
Le ser arêzewe ba birwanim Bonekey xoşe egate gyanim Qîblekem şarî siney serberzim Xawenî şore cwanî terzim Qîblekem şarî kizî mil be kwên Gorî pîrozî şehîdan le kwên Ba biçim deste golî lê danim Dilî damawî le ber pê danim Gulebaranî gilî simko* kem Gilebananî dilî pirso kem Çepke şê’rêkî bilêm bo simko Ta wekû derdî giran bêtewe so Hey lê hey lo hey lo Kurdistan bimirim bo to** Çawî rastî me: gîvaray kurdî Xozgeman pêt ke be merdî mirdî Qareman tacî serî şêr pyawan Nawî to buwete sirudî lawan Bê to bê babe hetîwî senger Bê wirîşaneweye agirî şer Kore kursanî be ’eşqî meyman Hemû gyanyan gir û soze û peyman Le bin ew agire siklî sûrin Meşxelî nûrî berew rêy dûrin Jîlemoy bê gire pir sewdaye Agirî sûrî le bin serdaye Hey lê hey lo hey lo Kurdistan bimirim bo to Gyan girdî seywanî sine kuçke reşe Qîblegay her delê wa çarereşe Azyetî çarereşî kuçkereşî Ya wekû remze le bo çarereşî Swênd be xwênî geş û sûrî dilî to Le cyay dest û çekî jêr gilî to Be hezaran hezar dest û tifeng Hel egirsênînewe agirî ceng Ta egeyne ewî rojî wala Şenge bala bişekênin ala