Xelîl Sedîqî
ئەژدەهاک زیندانت قەڵاقەڵایە دیواری کۆنکرێت دەرگات* پۆڵایە ئەژدەهاک کونبڕە، سەختە زیندانت ناڕووشێ بە بڕبەن بەندی گرانت! هێند چەشن سەربڕن زیندانەوانت * ڕەنگسوورن بە خوێنی بەندییەکانت* دڵڕەقیت هەر ڕۆژ چەشنێک سزایە* بۆ بەندیی خاوەن هۆش دێتە* کایە ئەژدەهاک! ئەی دێوی لە بیر زراوچوو ئەی ناشتای مارانت بە مێشک کردوو! ئەو مێشک تازانەی زنجیرت کردوون لە لێوی پێچاڵی مەرگا ڕاتگرتوون چاوەڕیێ فەرمانن بە ڕێی نەهاتا ببرێنە بەر تەناف لە نۆرە و کاتا مێشکیان، ئامانجیان، هیوا و تاسەیان لە پەتا بتاسێ وەک هەناسەیان! بەڵام تۆ، ئەژدەهاک! لە هەڵپەی خۆراک ناتوانی بکەوی بۆ ماری ناپاک هەر ئەگری، ئەکوژی، ئەدەی لە گەردن مێشک دەرخوارد ئەدەی بە ماری نەوسن تا ڕۆژێک ئەو خوێنەی بە ناحەق ڕشتت ئەو بیرەی وات زانی یەکجاری* کوشتت تاو ئەدەن دەماری تەنووری کاوە* ئەو چەکوشوەشێنەی ڕۆڵەکوژراوە ئەخرۆشێ و ئەجۆشێ و کۆمەڵ یەک دەخا هەر هەڵسا و ئەبینی زیندانت ڕووخا! ئەوە لە هەر لایێک لە مەیدانا مرد* جێی شانازییە بۆ نەتەوەی کورد*
Ejdehak zîndanit qelaqelaye Dîwarî konkirêt dergat* polaye Ejdehak kunbire, sexte zîndanit Narûşê be birben bendî giranit! Hênd çeşin serbirn zîndanewanit * Rengisûrin be xwênî bendîyekanit* Dilreqît her roj çeşnêk sizaye* Bo bendîy xawen hoş dête* kaye Ejdehak! ey dêwî le bîr zirawçû Ey naştay maranit be mêşk kirdû! Ew mêşk tazaney zincîrit kirdûn Le lêwî pêçalî merga ratgirtûn Çaweryê fermanin be rêy nehata Bibrêne ber tenaf le nore û kata Mêşkyan, amancyan, hîwa û taseyan Le peta bitasê wek henaseyan! Belam to, ejdehak! le helpey xorak Natwanî bikewî bo marî napak Her egrî, ekujî, edey le gerdin Mêşk derxiward edey be marî newsin Ta rojêk ew xwêney be naheq riştit Ew bîrey wat zanî yekcarî* kuştit Taw eden demarî tenûrî kawe* Ew çekuşweşêney rolekujrawe Exroşê û ecoşê û komel yek dexa Her helsa û ebînî zîndanit rûxa! Ewe le her layêk le meydana mird* Cêy şanazîye bo netewey kurd*