Yedê Şakirî
ئەشێ تاریکی و تیشکی خۆر بەیەک بگەن ئەشێ زەوی و سینەی ئاسمان بەیەک بگەن ئەشێ قوتبی سەروو و خوارووش بەیەک بگەن بەڵام هەرگیز ناشێ من و خۆشەویستم بەیەک بگەین ئەشێ ئەهریمەن بەهەشتی خوای بەرکەوێ ئەشێ ڕووبار ڕوو لە هەوراز بێ و سەرکەوێ ئەشێ مەم زیندوو بێتەوە و لەسەر سینگی مەم بسرەوێ بەڵام ناشێ جارێک تر منی دڵدار بگەم بەوەی خۆشم ئەوێ ڕەنگە کچە دراوسێکەم یا ئەو کچەی ئەمڕۆ، سبەی ئەڵقەی من ئەکاتە پەنجەی وا تێبگا پەلکەزێرینەی هۆنراوە بۆ کەمەرەی ئەو ڕێک ئەخەم بۆ ئەو تۆقەی زێڕینی خۆر لە پرچی ڕەشی شەو ئەدەم نەیزانیوە هۆنراوەی من بۆ کەسێکە کاسە خۆشاوێک بوو، ڕژا چەپکێک بۆن بوو بە نوێنی کەسێکی ترا هەڵپژا
Eşê tarîkî û tîşkî xor beyek bigen Eşê zewî û sîney asman beyek bigen Eşê qutbî serû û xwarûş beyek bigen Belam hergîz naşê min û xoşewîstim beyek bigeyn Eşê ehrîmen beheştî xway berkewê Eşê rûbar rû le hewraz bê û serkewê Eşê mem zîndû bêtewe û leser sîngî mem bisrewê Belam naşê carêk tir minî dildar bigem bewey xoşim ewê Renge kiçe dirawsêkem Ya ew kiçey emro, sibey Elqey min ekate pencey Wa têbga Pelkezêrîney honrawe bo kemerey ew rêk exem Bo ew toqey zêrînî xor Le pirçî reşî şew edem Neyzanîwe honrawey min bo kesêke Kase xoşawêk bû, rija Çepkêk bon bû Be nwênî kesêkî tira helpija