گیانەکەم وەختە لە دووریت پەڕ و باڵم بێتە دەر
هەر وەکوو مەجنوون بۆ لەیلا شێت بم و بم دەربەدەر لەیلێ
ڕووت و قووت و هەردەگێڵ بم یار و یاوەر مار و موور
جەننەتم ناوێ بەبێ تۆ نەک پەری و غیلمان و هوور
من کە ڕازی بم بە وەحشەت چیم لە ئەربابی سەفا
دەبا من نەمێنم
ڕۆژ کوێر و شەو ببینم خێر و خۆشیم بێ جەفا
با من نەمێنم
جا ئیتر چی بێ ئومێدم
جا ئیتر چی بێ ئومێدم لەیلێ من بە چی دڵ خۆش بکەم
یا ئەبێ چی بێ خۆراکم شەربەتی ژار نۆش بکەم
با من نەمێنم
وەک نەخۆشی بێ حەکیم و یا مناڵی بێ مەمک
یا وەکوو ئەمنی بێچارە با بە شێتی کەوتمە دوو
کێ ئەبێ ئیتر وەکوو من تالیعی خوار بەختی ڕەش
تێچەقی بێ تا چەنەی لەو قوڕەی دەور تەپەڕەش
بە دووتا وێڵم سەڵت و ساوادە
کۆڵان بە کۆڵان جادە بە جادە
نەشمیلەی چاوجوان پێچەکەت لادە، پەچەت لادە
نەشمیل چاوکاڵە پێچەکەت لادە، پەچەت لادە
پەرچەمی لوولت خستووە بە لادا
لەنجە و لارەکەت وەک پەریزادە
شەرمی پێ ناوێ پەچەکەت لادە، پەچەت لادە
شەرمی پێ ناوێ پێچەکەت لادە، پەچەت لادە
ئەگریجەت لەسەر کوڵمەکەت لادە
جێی هەزار ناز و سوود و مرادە
بمکوژە بە شەرت پێچەکەت لادە، پەچەت لادە
خۆمم بۆ سێدار کردووە ئامادە
خوێنم لە تۆڵەی تۆدا ئازادە
مەمکوژە بە ناز پێچەکەت لادە، پەچەت لادە
بە دووتا وێڵم سەڵت و ساوادە
کۆڵان بە کۆڵان جادە بە جادە
نەشمیلەی چاوکاڵ پێچەکەت لادە، پەچەت لادە
نەشمیلەی چاوجوان پێچەکەت لادە، پەچەت لادە
Gyanekem wexte le dûrît per û balim bête der
Her wekû mecnûn bo leyla şêt bim û bim derbeder leylê
Rût û qût û herdegêl bim yar û yawer mar û mûr
Cennetim nawê bebê to nek perî û xîlman û hûr
Min ke razî bim be wehşet çîm le erbabî sefa
Deba min nemênim
Roj kwêr û şew bibînim xêr û xoşîm bê cefa
Ba min nemênim
Ca îtir çî bê umêdim
Ca îtir çî bê umêdim leylê min be çî dil xoş bikem
Ya ebê çî bê xorakim şerbetî jar noş bikem
Ba min nemênim
Wek nexoşî bê hekîm û ya minalî bê memk
Ya wekû emnî bêçare ba be şêtî kewtime dû
Kê ebê îtir wekû min talî’î xwar bextî reş
Têçeqî bê ta çeney lew qurey dewr tepereş
Be dûta wêlim selit û sawade
Kolan be kolan cade be cade
Neşmîley çawciwan pêçeket lade, peçet lade
Neşmîl çawkale pêçeket lade, peçet lade
Perçemî lûlit xistuwe be lada
Lence û lareket wek perîzade
Şermî pê nawê peçeket lade, peçet lade
Şermî pê nawê pêçeket lade, peçet lade
Egrîcet leser kulmeket lade
Cêy hezar naz û sûd û mirade
Bimkuje be şerit pêçeket lade, peçet lade
Xomim bo sêdar kirduwe amade
Xwênim le toley toda azade
Memkuje be naz pêçeket lade, peçet lade
Be dûta wêlim selit û sawade
Kolan be kolan cade be cade
Neşmîley çawkal pêçeket lade, peçet lade
Neşmîley çawciwan pêçeket lade, peçet lade
Mistefa Dadar