Adil Ezîz
لەوێ مەمرە..جانی جانان لەوێ مەمرە نە «با»ی ئەوێ تۆ ئەناسێ و نە مەلێکی و نە ئاوی ئەوێش ئەزانێ تۆ لە کام بەفری شاخانی! لەوێ مەمرە جانی جانان کێ نایزانێ گڵی ئەوێ عەشق بڕە و مەیل بڕە و هەر بیرچوونەوەی تیا ئەڕوێ کێ نایزانێ تۆ تەنیایت بە شێوەبێ یا بەڕەگ و یان بە گەڵا و یان بە لاسک هەر لە درەختی شەوانێ ئێرە ئەچێ تۆ تەنیایت لە پایزە هەژارەکەی سلێمانی و تۆ تەنیایت هەر لە تەنیایی خوای ئێرە و لە کۆترە شینکەی کەسیرەی بەر پڕوشەی ئێواران و لە ئەرخەوانی بێ خەوی سەیوان ئەچێ لەوێ مەمرە و نە غەریبی غەریبتر و نە تەنیایی تەنیاتر و نە بێکەسیم بێکەستر کە لەوێ مەمرە جانی جانان لەوێ مەمرە کە لەوێ بوویت لێرە وشەم لەبەر پەنجەرەی شێعردا بێ ئارام و هەمیشە چاوەچاویان بوو لە تەنیاییمیان ئەپرسی کەی دێتەوە لە ئێستەیشدا کە تۆ لێرەیت گوڵەکانی نێو ئامستردام ڕوویان کردۆتە ڕۆژهەڵات لە گوڵفرۆش و سەبەتەی گوڵەکانی و لە ئینجانە و پەرژینی باغچە ئەپرسن کەی دێتەوە تۆ بۆیە وا بۆنت خۆشە و ناسکی و خۆشەویستی لە نێوانی گوڵ و شێعرا دێیت و دەچیت
lewê memre… Canî canan! Lewê memre! Ne “ba”y ewê to enasê û Ne melêkî û Ne awî ewêş ezanê To le kam befrî şaxanî! Lewê memre Canî canan! Kê nayzanê Gilî ewê ’eşq bire û meyl bire û Her bîrçûnewey tiya erwê Kê nayzanê! To tenyayît Be şêwebê ya be reg û Yan be gela û yan be lask Her le dirextî şewanê Êre eçê... To tenyayît Le payze hejarekey Silêmanî û To tenyayît her le tenyayî xway êre û Le kotre şînkey kesîrey Ber pruşey êwaran û Le erxewanî bê xewî Seywan eçê! Lewê memre û Ne xerîbî xerîbtir û Ne tenyayî tenyatir û Ne bêkesîm bêkestir ke! Lewê memre Canî canan Lewê memre... Ke lewê bûyt lêre wişem Leber pencerey şê’rda Bê aram û hemîşe çaweçawyan bû Le tenyayîmyan epirsî key dêtewe Le êsteyişda ke to lêreyt Gulekanî nêw Amistirdam rûyan kirdote rojhelat Le gulfiroş û sebetey gulekanî û le încane û Perjînî baxçe epirsin Key dêtewe To boye wa bonit xoşe û naskî û xoşewîstî Le nêwanî gul û şê’ra dêyt û deçît