Nasir Nasirî
ئای گوڵ هەرگل هەر جا تۆ دۊنم ڕووناک و تەم خوەروێشت و سا تۆ دۊنم جامەک جامەک کانی کانی وەهاری سارا سارا دەریا دەریا تۆ دۊنم گوڵ و باخی ئای گوڵ ناڕەس نەکەیمن دڵ و گیانی ئای گوڵ بێکەس نەکەیمن هەر جا قینە ئای گوڵ پا پا نەوینم هەر جا عشقە ئای گوڵ دەس دەس نەکەیمن ئای گوڵ ماڵم چووڵە و بێ دووس دونیا چووڵە دونیا هووڵە وە بێ دووس ئاخ ئەگەر دڵی ماگە سەری هەس بارێ شانە بارێ کووڵە وە بێ دووس ئای گوڵ ها دڵ ها گیان ها پووسم هەی دووس هەی دووس... هەی دووسم ئای گوڵ ها سەر ها بەر ها بارم ئەی یار ئەی یار... هەی یارم هەم شین هەم شای هەم ژین هەم ژانە عشقت ڕا تیەنگ ئاو ڕا ورسگ نانە عشقت دڵ دڵ... سەراپام گیان گیان... گیانە عشقت یەی بەش ئەسر و یەی بەش خۊنە ئەنارە سەد گوڵ زام و سەد گوڵ زۊخە وەهارە دڵ ئەر بووگەت گوڵێ باخە بهشتە دڵ ئەر نەوگەت کزە، کوورە. شەوارە ئای گوڵ ها دڵ ها گیان ها پووسم هەی دووس هەی دووس... هەی دووسم ئای گوڵ ها سەر ها بەر ها بارم ئەی یار ئەی یار... هەی یارم
Ay gul hergil her ca to dünm Rûnak û tem xwerwêşt û sa to dünm Camek camek kanî kanî weharî Sara sara derya derya to dünm Gul û baxî ay gul nares nekeymin Dil û gyanî ay gul bêkes nekeymin Her ca qîne ay gul pa pa newînim Her ca ’işqe ay gul des des nekeymin Ay gul malim çûle û bê dûs Dunya çûle dunya hûle we bê dûs Ax eger dilî mage serî hes Barê şane barê kûle we bê dûs Ay gul ha dil ha gyan ha pûsim Hey dûs hey dûs... hey dûsim Ay gul ha ser ha ber ha barim Ey yar ey yar... hey yarim Hem şîn hem şay hem jîn hem jane ’işqit Ra tyeng aw ra wirisg nane ’işqit Dil dil... serapam Gyan gyan... gyane ’işqit Yey beş esir û yey beş xüne enare Sed gul zam û sed gul züxe wehare Dil er bûget gulê baxe bihşite Dil er newget kize, kûre. şeware Ay gul ha dil ha gyan ha pûsim Hey dûs hey dûs... hey dûsim Ay gul ha ser ha ber ha barim Ey yar ey yar... hey yarim