Perwîn Moşîrwezîrî
زووتر، زووتر ئەم مانگە نە! مانگێکیتر هەبوو، جوانتر دەموچاوی ئێگجار گەشتر ئاو شێتی بوو ئاو شەیدای بوو هەموو شەوێ لە کەناردا ئەهات، ئەچوو بە تەمای بوو بەڵام مانگ لەو لووتەلا بوو زەریا ویستی بە فێڵ بیگرێ شەپۆل هەرچەند خۆی هەڵبڕی دەمی نەگەیشتە ڕوومەتی مانگ بە ئەنقەست نازی ئەکرد بۆ چاوشارکێ لە ژێر چوخمەکانی هەورا خۆی ون ئەکرد هەتا جارێ بە سەفەرێ مانگ کۆچی کرد بۆ بیابان تا چەند شەوێ نەهاتەوە کە هاتەوە تەپوتۆز و خۆڵی قاقڕ لە دەموچاوی نیشتبوو تریفەی قژی خۆڵاوی، پۆشاکی زیوینی بەری گەرد لێ نیشتوو ئەو کاتەی مانگ گەڕایەوە ئاو نووستبوو مانگ بڕیاری دا خۆی بشوا بە پەلەپەل جلەکانی بەری داکەند ڕووەو زەریا هەنگاوی نیا شڵەژا بوو مانگ پێی لە سەر بەردێ دانا بەرد زۆر لووس بوو شڵپەیێک هات مانگ خلیسکا مانگ نوقم بوو زەریا وەک شێت و هار هەستا بۆ مانگ گەڕا سەری کرد و خواری کرد و دەستی بە ناو بنیا گێڕا هەر چووە سەر، هەر هاتە خوار مانگ هەر نەبوو لەو شەوەوە هەڵچوون و داچوونی زەریا لەدایکبوو...
Zûtir, zûtir Em mange ne! Mangêkîtir hebû, ciwantir Demuçawî êgcar geştir Aw şêtî bû aw şeyday bû Hemû şewê le kenarda ehat, eçû be temay bû Belam mang lew lûtela bû Zerya wîstî be fêl bîgrê Şepol herçend xoy helbirî Demî negeyişte rûmetî Mang be enqest nazî ekird Bo çawşarkê le jêr çuxmekanî hewra xoy win ekird Heta carê be seferê mang koçî kird bo biyaban Ta çend şewê nehatewe Ke hatewe Teputoz û xolî qaqir le demuçawî nîştibû Trîfey qijî xolawî, poşakî zîwînî berî Gerd lê nîştû Ew katey mang gerayewe aw nûstibû Mang biryarî da xoy bişwa Be pelepel cilekanî berî dakend Ruwew zerya hengawî niya Şileja bû Mang pêy le ser berdê dana Berd zor lûs bû Şilpeyêk hat Mang xilîska Mang nuqim bû Zerya wek şêt û har hesta Bo mang gera Serî kird û xwarî kird û destî be naw binya gêra Her çuwe ser, her hate xwar Mang her nebû Lew şewewe helçûn û daçûnî zerya ledaykbû...