Heme Salh Dîlan
ئەکەوتە ڕێ هەوری پەڵەی پاڕاوتر بە فرمێسکی بای بە پەلەی لای گەرمەسێر سنگ کوتەر بوو تەکاننەر بوو وەکوو لاوێ لە ڕێگای ئاواتی چەن ساڵەی جێ ماوێ تیژ ڕی و ڕوو بە پەرۆش بوو بۆ سەر چیا بۆ سەر پووشی زەرد هەڵگەڕاو جاران گیا جارانی سەوز سەر ڕازاوە بە مرواری بە شەونمی بەهاری لای کوردەواری جارانی مەست بە بۆنی شەرابی بەهار پیاڵەکەی پەڵەی گوڵ بوو تا دەم نزار جاران ئاژەڵ ڕووەو پەچەو بەرەو کۆز بوو ڕۆژگار کورت و چاوی خەواڵووی وەنەوز بوو شوان کۆڕی شەو گەرمکەر بوو بە فووی شمشاڵ جووڵەی ئەدا بە دەماری هەست و خەیاڵ پاشان نۆبەی بەستەی دەمی هەرزەکار بوو ئامان ئامان بوو سرووشتی کردگار بوو بەستە ئەڵێن ئەوی ئەیڵێن نایڵێنەوە هەتا کەیبانوو لە فرمانی شەو ئەبنەوە هەتا سپێتی ئەکەوتە ناو ڕەشایی ورتە و سرپە پەیا ئەبوو بە ئەسپایی بەستە ئەڵێن ئەوی ئەیڵێن نایجوونەوە هەتا بێدار لە گریانی شەو ئەبنەوە شەوی جاران خۆشەویستی دەستی لە ڕێز بوو بازووی مەردی لە مل و گەردن ئاوێز بوو هەستی فرمان ڕێکخستنی ڕێچکەی ژیان گوزەرانی ئاسوودەیی و ئاڵ و گۆڕی سادە و نیان یاسای بە نرخ وگرانی ئەم خەڵکە بوو بێ فرمانیش فرمانداری ئەو کەڵکە بوو ئەم وڵاتە پڕ لە پیت و پڕ سامانە جێگەی فەڕ بوو پڕ بوو لە شەقڵی پیاوانە ئەوا دیسان پاییز هات گەڵاڕێزانە هەوری پەڵە ڕووە و شاخ و بەرەو کوێستانە بەڵام ئیستا و شەوی ئێستا چۆن بە جۆش کەم گری کۆڕی ساردەوە بوو بە چی خۆش کەم ئەم شەوە تاریک و تونە چۆن ڕۆشن کەم ئەم سەرە گێژ و شیواوە چۆن هۆشن کەم ئەی هەورەکە دایڕێژە سەری تشرینە وادەی پەڵە و ناشتنی تەرمی هاوینە نۆرەی تۆیە بگری بەسەر هەموومانا بەسەر ئێسک و پرووسکی ڕابردوومانا بیشۆرەوە با سەر لە دەستی دیاری بێ با قوڕ خەست بێ و بۆ سەری شەرمەزاری بێ
Ekewte rê hewrî peley parawtir Be firmêskî bay be peley lay germesêr Sing kûter bû tekanner bû wekû lawê Le rêgay awatî çen saley cê mawê Tîj rî û rû be peroş bû bo ser çiya Bo ser pûşî zerd helgeraw caran giya Caranî sewz ser razawe be mirwarî Be şewnimî beharî lay kurdewarî Caranî mest be bonî şerabî behar Piyalekey peley gul bû ta dem nizar Caran ajel ruwew peçew berew koz bû Rojgar kurt û çawî xewalûy wenewz bû Şwan korî şew gerimker bû be fûy şimşal Cûley eda be demarî hest û xeyal Paşan nobey bestey demî herzekar bû Aman aman bû sirûştî kirdgar bû Beste elên ewî eylên naylênewe Heta keybanû le firmanî şew ebnewe Heta sipêtî ekewte naw reşayî Wurte û sirpe peya ebû be espayî Beste elên ewî eylên naycûnewe Heta bêdar le giryanî şew ebnewe Şewî caran xoşewîstî destî le rêz bû Bazûy merdî le mil û gerdin awêz bû Hestî firman rêkxistinî rêçkey jiyan Guzeranî asûdeyî û al û gorî sade û niyan Yasay be nrix wigranî em xelke bû Bê firmanîş firmandarî ew kelke bû Em wlate pir le pît û pir samane Cêgey fer bû pir bû le şeqlî piyawane Ewa dîsan payîz hat gelarêzane Hewrî pele ruwe û şax û berew kwêstane Belam îsta û şewî êsta çon be coş kem Girî korî sardewe bû be çî xoş kem Em şewe tarîk û tune çon roşin kem Em sere gêj û şîwawe çon hoşin kem Ey hewreke dayrêje serî tişrîne Wadey pele û naştinî termî hawîne Norey toye bigrî beser hemûmana Beser êsk û prûskî rabridûmana Bîşorewe ba ser le destî diyarî bê Ba qur xest bê û bo serî şermezarî bê