Hozan Aydîn
هەی میرۆ میرێ من هەی میر ئاخ لۆ میرۆ چ فەرمانە فەرمانە ل سەر سەرێ مە ڕا کرن دیسا فەرمانا میرانە دە لۆ لۆ برانۆ دیسا خەبەرەک هات د شەڤەکی نیڤێ د شەڤانە ئەز کەتم ناڤا دەریا کولان و خەمان، ڕۆنیکێن من دا کۆم بوون ئەورێ ڕەش و تاری گرتی مژە ب دوومانە دیسا د مێژیێ من ڕا بهورین پێل ب پێل دقەلبی ڕووپەلێ دیرۆکانە ل هەڤ جڤیانە کۆمێ گوران کڤشەیە شێڤ گرانە دخوازن قر کرنا کوردانە برا فەرمانا میرانە فەرمانە ئاخ فەرمانە، فەرمانا میرانە، میرێ من سەرتاجێ هەموو میرانە ئەز چ بێژم نکارم بدم تو بەستان میرێ من ناڤ گرانە سەرهلدانا شۆپ و ڕێچا ٧٥ سالانە، دەرکەتی ژ جی و مەسکەنێ پێخەمبەرانە سوار بوو ل سەر پشتا هەسپێ دەورێشێ ئەودی دزگین گرتییە ژ مێرانە ئەڤینا میرێ من نە ئەدوولە، نە خەجە، نە ژی زینا بۆتانە، پر بەدەوە ڕندا ڕندانە، وارێ ئێش و ئەلەمان، هێلینا هەموو ئەڤینانە شێخ سەیدێ کال سەیید ڕزا د ناڤدانە، وەسیەت و شیرەتا قازی موهەمەدانە قەلەم بوها و ناو گرانە، ب هەزاران خوونا شەهیدانە، خەملییە ب ڕەختێ گەریلانە ئەڤینا میرێ من تەنێ کوردستانە میرێ من دە لۆ لۆ لۆ برانۆ ئەز چ بکم دنیا کەتیە دەستێ هەموو ڕاور و گور و چەقەلانە هێڤییا من ژێ نەما ئەورووپا نە، نە دینە نە ئیمانە، نامووس و هەیسیەت فرۆتنە ب پەران نە ل سەر خوینا ئینسانان بوون خوەدییێ دەولەتانە، یەکۆ یەکۆ پار گرتن ژ قەتلا کوردانە هەیفا من نایێ ب تو هەیفا، هەیفا من تێ کو ب دەستێ بێ بەختێ د ناڤا مە دا، کوردستان بوو لیستکێ دووژمنانە ژ باڤێ بەرێ دا ل مە ئانینە قرا شێران و مێران، بوون فازەرا هنجراندنا دفنێن بەر پێسیرێ دایکانە برا فەرمانە فەرمانە فەرمانە، فەرمانە فەرمانە برا فەرمانا میرانە
Hey mîro mîrê min hey mîr Ax lo mîro çi ferman e Ferman e li ser serê me ra kirin dîsa fermana mîrane De lo lo birano dîsa xeberek hat di şevekî nîvê di şevan e Ez ketim nava derya kulan û xeman, ronîkên min da kom bûn ewrê reş û tarî girtî mije bi dûman e Dîsa di mêjiyê min ra bihurîn pêl bi pêl diqelibî rûpelê dîrokan e Li hev civyan e komê guran kivşe ye şêv giran e Dixwazin qir kirina kurdan e bira fermana mîran e Ferman e ax ferman e, fermana mîran e, mîrê min sertacê hemû mîran e Ez çi bêjim nikarim bidim tu bestan mîrê min nav giran e Serhildana şop û rêça 75 salan e, derketî ji cî û meskenê pêxemberan e Siwar bû li ser pişta hespê Dewrêşê Ewdî dizgîn girtîye ji mêran e Evîna mîrê min ne Edûle, ne Xec e, ne jî Zîna Botan e, pir bedew e Rinda rindan e, warê êş û eleman, hêlîna hemû evînan e Şêx Seîdê kal Seyîd Riza di navdan e, wesiyet û şîreta Qazî Muhemedan e Qelem buha û naw giran e, bi hezaran xûna şehîdan e, xemilîye bi rextê Gerîlan e Evîna mîrê min tenê Kurdistan e mîrê min De lo lo lo birano ez çi bikim dinya ketiye destê hemû rawir û gur û çeqelan e Hêvîya min jê nema Ewrûpa ne, ne dîn e ne îman e, namûs û heysiyet firotine bi peran ne Li ser xwîna însanan bûn xwedîyê dewletan e, yeko yeko par girtin ji qetla kurdan e Heyfa min nayê bi tu heyfa, heyfa min tê ku bi destê bê bextê di nava me da, kurdistan bû lîstikê dûjminan e Ji bavê berê da li me anîne qira şêran û mêran, bûn fazera hincirandina difinên ber pêsîrê dayikan e bira ferman e Ferman e ferman e, ferman e Ferman e bira fermana mîran e