Ebdula Peşêw
خاتوونەکەم بیستووتە ئاسمان چەن دوورە من بارتەقای دووری ئاسمان خۆشم دەوێی بیستووتە دەریا چەن قووڵە بەقەد قووڵی گشت دەریاکان خۆشم دەوێی گیانەکەم تۆ نووسراوێکی دێڕت بەقەد تاڵی پەرچەم من چوار ساڵە دەتخوێنمەوە چەن باڵی بیرم لێک دەدەم نە تێر دەبم نە تێت دەگەم زۆر دەترسم لە ناو دێڕی شەعرەکانما شار بتناسێ کامێرای چاوی مەرگەوان وێنەت بگرێ هەڵیواسێ زۆر دەترسم گەر بتناسن پەنجەکانم هەڵوەرێنن شابسکی تۆش بسووتێنن بەڵام هێشتا من دەربەست نیم هەرچیم دیوە هەرچیم بۆ چاوت نووسیوە نایشارمەوە تا چۆک بدا لە دەروونتا دێوی گومان تا گەورە و بچووک بزانن خۆشم دەوێی خۆشم دەوێی سەد بارتەقا دووری ئاسمان
Xatûnekem Bîstûte asman çen dûre Min barteqay dûrî asman xoşim dewêy Bîstûte derya çen qûle Beqed qûlî gişt deryakan xoşim dewêy Gyanekem to nûsrawêkî Dêrit beqed talî perçem Min çwar sale detxiwênmewe Çen balî bîrim lêk dedem Ne têr debim Ne têt degem Zor detirsim Le naw dêrî şe’rekanma şar bitnasê Kamêray çawî mergewan wênet bigrê Helîwasê Zor detirsim Ger bitnasin pencekanim helwerênin Şabsikî toş bisûtênin Belam hêşta min derbest nîm Herçîm dîwe Herçîm bo çawit nûsîwe Nayşarmewe Ta çok bida le derûnta dêwî guman Ta gewre û biçûk bizanin xoşim dewêy Xoşim dewêy sed barteqa dûrî asman