Nasir Rezazî
ساقییا! وا بادەوە، وا بادەوە ڕوو لە لای من کە وە جامێ بادەوە موشتەری وەک من لە مەیخانێ کەمن زۆربەیان شاد و بەکەیف و بێ خەمن مەی حەرامە بۆ سەهەندە و بێ خەمان مەستی بێ خەم بۆ چی بگرن ئێخەمان؟ ئەم شەرابە تاڵە دەرمانی خەمە لێی حەرام بێ ئەو کەسەی دەردی کەمە ئەم شەرابە ئاڵە بۆ بێ دەرد نییە لێی حەرام بێ ئەو کەسەی ڕەنگ زەرد نییە بۆ کەسێکە مەی: چزیلکی پێوە نێ بۆ چی ملهوڕ لێرە بینی پێوە نێ!؟ بۆ کەسێکە مەی: کە دەردی کارییە بێ خەمێک بیخواتەوە، زۆردارییە بۆ کەسێکە مەی: دڵی پڕ بێ لە داخ بۆچی لێی بخواتەوە بەرزە دەماخ!؟ ئەو کەسەی بێ کەس نییە و خانە خەراب دەک بەژاری ماری بێ بادە و شەراب ئەو کەسەی نەیچێشتووە دەردی ژیان ئەو کەسەی نەیدیوە ئێش و برک و ژان ئەو کەسەی نەکرا نیشانەی تیری خەم شانی دانەخزز لەبن باری ستەم ئەو کەسەی هەستی بە زۆرداری نەکرد تێغی زۆرداری برینداری نەکرد ئەو کەسەی دەستی لە ئەوکێ بەردرا ئەو کەسەی دوژمن لە ماڵی دەرکرا ئەو کەسەی نەیبینی هاتی دوژمنی نیری یەخسیریی لە ئەستۆ داڕنی ئەو کەسەی هێندە نەبوو زویر و زگار وا نەکەوتە بەر چەپۆکی ڕۆژگار ئەو کەسەی نەیهاڕی بەرداشی زەمان ئەوکەسەی زیڕەی نەگەییە ئاسمان ئەو کەسەی دووریی عەزیزانی نەدی تیر و تانەی بێ تەمیزانی نەدی تۆزی بەدبەختی لەسەر شانی نەنیشت لێی نەگیرا دەوروپشت و چوار تەنیشت ئەو کەسەی خواردی و لە بن سێبەر کەوت شەو لەبۆ کەیفێ لە ماڵ خۆی نەما بۆ دەبێ بێت و بکا مەیخانە تەنگ!؟ شوێنی دیکە زۆرە بۆ گاڵتە و جەفەنگ ساقییا، وا وەرگەڕێ، وا وەرگەڕێ ڕوو لە لای من کە، مەچۆ بۆ سەرپەڕێ لەنگەرێ بگرە، مەبە وا بەرزەفڕ بێنە بۆ من، بێنە بۆ من، جامێ پڕ مەی حەڵاڵە بۆ منی وێرانەماڵ بۆ منی سەرگەشتەو و ڕووت و ڕەجاڵ بۆ منی بابردەڵەی گردەنشین بۆ منی دڵ پڕ لە ناسۆر و برین بۆ منی ئاوارەو و دوورە وەتەن بولبولی بێ بەش لە گوڵزار و چەمەن ساقییا! بۆ کوێ دەچی، بۆ کوێ دەچی؟ تۆش لە بەر ئەو ملهوڕانە ملکەچی؟ تۆش بە ڕەنگ و بۆی ئەوان خواردت فریو؟ چاوی تۆشی هەڵفریواند زێڕ و زیو؟ زێڕ بەڵایە، بێ وەفایە دەوڵەمەند هەر هونەر نەمرە، هونەروەر مەرد و ڕەند چڵکی دەستە ماڵی دنیا وەک دەڵێن ماڵپەرست پەیمان شکێنە و بێ بەڵێن قەدری جوانی کوا دەزانێ ماڵپەرست جوانپەرستە پیری خاوەن زەوق و هەست تا کەی دانیشم نازدار تا کەی نەکەم دەنگ گەوهەر فرۆش بووم جوانێ مایەم بوو بە سەنگ گەوهەر فرۆش بووم هاوار مایەم بوو بە سەنگ نازدار و نازدار ئەی وەی نازدارەی بابی نازدار و نازدار ئەی وەی نازدارەی بابی من خۆم زوو زانیم هاوار تۆ بۆ من نابی بەدناوت کردم جوانێ یاخوا ڕسوا بی هیچ خۆشیم نەدی نازدار لە ڕووی زەمانە بووم بە نیشانە جوانێ بۆ تیر و تانە نازدار و نازدار ئەی وەی نازدارت کردم بێ سووچ بێ تاوان جوانێ لە خشتەت بردم منداڵی دوێنێ بووم نازدار تۆ پیرت کردم
Saqîya! wa badewe, wa badewe Rû le lay min ke we camê badewe Muşterî wek min le meyxanê kemin Zorbeyan şadû bekeyfû bê xemin Mey herame bo sehendew bê xeman Mestî bê xem bo çî bigirin êxeman? Em şerabe tale dermanî xeme Lêy heram bê ew kesey derdî keme Em şerabe ale bo bê derd nîye Lêy heram bê ew kesey reng zerd nîye Bo kesêke mey: çizîlkî pêwe nê Bo çî milhur lêre bînî pêwe nê!? Bo kesêke mey: ke derdî karîye Bê xemêk bîxwatewe, zordarîye Bo kesêke mey: dilî pir bê le dax Boçî lêy bixiwatewe berze demax!? Ew kesey bê kes nîyew xane xerab Dek bejarî marî bê badew şerab Ew kesey neyçêştuwe derdî jyan Ew kesey neydîwe êşû birkû jan Ew kesey nekira nîşaney tîrî xem Şanî danexziz lebin barî sitem Ew kesey hestî be zordarî nekird Têxî zordarî birîndarî nekird Ew kesey destî le ewkê berdira Ew kesey dujmin le malî derkira Ew kesey neybînî hatî dujminî Nîrî yexsîrîy le esto darnî Ew kesey hênde nebû zwîrû zigar Wa nekewte ber çepokî rojgar Ew kesey neyharî berdaşî zeman Ewkesey zîrey negeyye asman Ew kesey dûrîy ’ezîzanî nedî Tîrû taney bê temîzanî nedî Tozî bedbextî leser şanî nenîşt Lêy negîra dewrupiştû çwar tenîşt Ew kesey xwardîw le bin sêber kewt Şew lebo keyfê le mal xoy nema Bo debê bêtû bika meyxane teng!? Şwênî dîke zore bo galtew cefeng Saqîya, wa wergerê, wa wergerê Rû le lay min ke, meço bo serperê Lengerê bigre, mebe wa berzefir Bêne bo min, bêne bo min, camê pir Mey helale bo minî wêranemal Bo minî sergeştewû rûtû recal Bo minî babirdeley girdenşîn Bo minî dil pir le nasorû birîn Bo minî awarewû dûre weten Bulbulî bê beş le gulzarû çemen Saqîya! bo kwê deçî, bo kwê deçî? Toş le ber ew milhurane milkeçî? Toş be rengû boy ewan xwardit firîw? Çawî toşî helfirîwand zêrû zîw? Zêr belaye, bê wefaye dewlemend Her huner nemre, hunerwer merdû rend Çilkî deste malî dinya wek delên Malperist peyman şikênew bê belên Qedrî cwanî kwa dezanê malperist Cwanperiste pîrî xawen zewqû hest Ta key danîşim nazdar ta key nekem deng Gewher firoş bûm cwanê mayem bû be seng Gewher firoş bûm hawar mayem bû be seng Nazdarû nazdar ey wey nazdarey babî Nazdarû nazdar ey wey nazdarey babî Min xom zû zanîm hawar to bo min nabî Bednawit kirdim cwanê yaxwa riswa bî Hîç xoşîm nedî nazdar le rûy zemane Bûm be nîşane cwanê bo tîrû tane Nazdarû nazdar ey wey nazdarit kirdim Bê sûç bê tawan cwanê le xiştet birdim Mindalî dwênê bûm nazdar to pîrit kirdim