Ferîborz Namdarî
چە وە سەرد هاتییە شەرەگەم ئەی کرماشان پڕ لە خۊنە دڵێ تۆ لە جەفاکاری زەمان کوڕەیلد دەسە وە دەسە خەفتنە لە پایێ دیوار نیشتنە دەس و زرانی غەمزەدە لە سایێ دیوار ئی غەمە بۊشم وە کی؟ من دەس وە دامان کی بووم؟ لەی هەمە دەرد و پەژارە ساتی مێهمانێ کی بووم چە وە سەرد هاتییە شەرەگەم ئەی کرماشان پڕ لە خۊنە دڵێ تۆ لە جەفاکاری زەمان هەر گوشەی کۊچە و خیاوان چەن چەپەی گوڵ پەڕپەڕە چەن مناڵێ بی خەتا و ئازار لەی جەفا دەروەدەرە پەهڵەوانی دی غەریبە ئاشنا دۊد و دەواس بەرقێ شادی وە دڵەیلمان ڕوزگاریگە جیاس چە وە سەرد هاتییە شەرەگەم ئەی کرماشان پڕ لە خۊنە دڵێ تۆ لە جەفاکاری زەمان ئەی دیارێ عاشقی دی ڕەنگ و ڕۆخسارد نییە تاق وە ساق قەهرە وەگەردد بستۊن یارد نییە سەرزەمینێ مێهر و مانگ بۊشم وە کی داخێ دڵد کە عەزاداری وە دەرد و کەس عەزادارد نییە چە وە سەرد هاتییە شەرەگەم ئەی کرماشان پڕ لە خۊنە دڵێ تۆ لە جەفاکاری زەمان
Çe we serd hatîye şeregem ey kirmaşan Pir le xiẅne dilê to le cefakarî zeman Kureylid dese we dese xeftine le payê dîwar Nîştine desû ziranî xemzede le sayê dîwar Î xeme biẅşim we kî? min des we daman kî bûm? Ley heme derdû pejare satî mêhmanê kî bûm Çe we serd hatîye şeregem ey kirmaşan Pir le xiẅne dilê to le cefakarî zeman Her guşey kiẅçew xyawan çen çepey gul perpere Çen minalê bî xetaw azar ley cefa derwedere Pehlewanî dî xerîbe aşna diẅdû dewas Berqê şadî we dileylman ruzgarîge cyas Çe we serd hatîye şeregem ey kirmaşan Pir le xiẅne dilê to le cefakarî zeman Ey dyarê ’aşiqî dî rengû roxsard nîye Taq we saq qehre wegerdid bistiẅin yard nîye Serzemînê mêhrû mang biẅşim we kî daxê dild Ke ’ezadarî we derdû kes ’ezadard nîye Çe we serd hatîye şeregem ey kirmaşan Pir le xiẅne dilê to le cefakarî zeman