عەبدوڵڵا پەشێو
مەلێک هەیە سەیر و سۆبەت کێ ناوەکەی بۆم هەڵدێنێ؟ باڵدارێکە بێ قەفەز و قەفەزەوان نە هیچ دەچێ بە قوڕگیدا نە دەخوێنێ باڵدارێکە شوولەکانی قەفەزیشی بۆ هەڵبڕیت ڕەهاشی کەی هێندە نابا هەر خۆی بەلەز فڕکە دەکا پێچێک دەدا و دەچێتەوە بۆ ناو قەفەز! بیر لە هەموو باڵدارانی ئەم دنیایە بکەنەوە: باڵداری دەشت باڵداری شاخ باڵداری ناو دەوەنجاڕ و بێشە و چوغورد هی بەرزەفڕ هی نەویفڕ هی گۆشتخۆرە هی دانخۆرە یەکە یەکە درشت و ورد مەڵێن نییە! من مەلێکی وا دەناسم کە پێی دەڵێن سەرکردەی کورد!
Melêk heye seyrû sobet Kê nawekey bom heldênê? Baldarêke bê qefezû qefezewan Ne hîç deçê be qurgîda ne dexwênê Baldarêke Şûlekanî qefezîşî bo helbirît Rehaşî key Hênde naba her xoy belez Firke deka Pêçêk dedaw deçêtewe bo naw qefez! Bîr le hemû baldaranî em dinyaye bikenewe: Baldarî deşt Baldarî şax Baldarî naw dewencarû bêşew çuxurd Hî berzefir Hî newîfir Hî goştixore Hî danxore Yeke yeke diriştû wird Melên nîye! Min melêkî wa denasim Ke pêy delên serkirdey kurd!