عەبدوڵڵا پەشێو
نەخێر کەرکووک قودس نییە تا سەدان ساڵ جەرگەی شەڕی نەوەی چەندین پێغەمبەر بێ. «دڵ» یش نییە تا ڕۆژناڕۆژ وەک شەڕەفتان سەکتە لێی دات و پەنچەر بێ. هەر مەشخەڵێک لە هەناوی کەرکووکەوە بازرە بکا تیشکی هەنیەی پۆلێک موغی دەوری گڕە. چیای حەمرینش هەر بستێکی لانەی «ڕیشە» و «لەیلا»یەکی بەرزەفڕە وەک دەورانی پێش تۆفانی شمشێر و تیر هەر بەسامە مەند و کڕە. لەسەر زەویش تەختی بکەن لەبن زەوی هاوڕەگی بەمۆ و ئەزمەڕە. ئیتر بەسە ئیتر بەسە تەرەسینە ئیتر بەسە! مەودای نێوان ئەم هەرەس ئەو هەرەستان پڕ هەرەسە. ئیتر بەسە فسخواردنتان بۆتە گاڵتە قوچاندن و تەق و ڕەوتان شاشاپێن و سێجڕتییە بۆ هەوەسە! ئیتر بەسە کارخانەچی و سالۆسینە ئیتر بەسە چیدی کەرکووک گاز و نەوت و بۆری نییە سەرقەتارە ڕچەشکێنە فریاڕەسە. ئیتر بەسە کوردپسێن و کەرخەسێن و دەییووسینە ئیتر بەسە! هەر گەردێکی کەرکووکی من بەردەڕەشی کەعبەیەکی موقەددەسە. ئیتر بەسە!
Nexêr kerkûk qudis nîye Ta sedan sal cergey şerî Newey çendîn pêxember bê. «dil» yiş nîye Ta rojnaroj wek şereftan Sekte lêy datû pençer bê. Her meşxelêk le henawî kerkûkewe bazre bika Tîşkî henyey polêk muxî dewrî gire. Çyay hemrînş her bistêkî Laney «rîşe»û «leyla»yekî berzefre Wek dewranî pêş tofanî şimşêrû tîr Her besame mendû kire. Leser zewîş textî biken Lebin zewî hawregî bemow ezmere. Îtir bese Îtir bese Teresîne îtir bese! Mewday nêwan em heres ew herestan pir herese. Îtir bese Fisxiwardintan bote galte Quçandnû teqû rewtan Şaşapênû sêcritîye bo hewese! Îtir bese Karxaneçîw salosîne îtir bese Çîdî kerkûk gazû newtû borî nîye Serqetare riçeşkêne firyarese. Îtir bese Kurdipsênû kerxesênû deyyûsîne Îtir bese! Her gerdêkî kerkûkî min Berdereşî ke’beyekî muqeddese. Îtir bese!