عەدنان کەریم
ئاگری عیشقت لە ڕووحم بەربووە سەر تا قەدەم وەک نەیستان هەر دەسووتێم مات و خامۆش بێسەدا چەند بە ناز دێی و دەچی سەرخۆش و شۆخ و شەنگ و مەست ئەی گوڵی نازدار، ئیلاهی، بای خەزانت لێ نەدا باغ دەبێ هەر گوڵفرۆش بێ، یار کە دێتە پێکەنین یان دەبێ عەنبەر بە با دا، ئەو کە زوڵفان با دەدا هیندوویی خاڵت وەنێو باخی جەماڵت کەوتووە باخەوان خانەخەراپ بێ! بۆچ گوڵستان بەر دەدا؟ دین و دڵ سەبر و قەرارم چۆتە ڕێگای یەک نەزەر تۆ بڵێی ئەو شۆخە وا سەرمەستە قەت بێتە ڕەدا؟ قەت نەهاتە دەست و جارێ نەبوە ئارامی دڵم تا قیامەت داخی زوڵفانت لە جەرگی ئێمەدا بۆچ برۆم لێ تێک دەنێی ڕووت وەردەگێڕی چاوەکەم کەعبە کەچ بوو قیبلە گۆڕا، ماچێکم لەو لێوە دە لە سینەمدا چ شیرین دڵ دەناڵێنێ بە مەحزونی وەرن لەو شینە گوێبگرن، وەرن لەو شینە گوێبگرن لە شین و شێوەنی نەیدا هۆنراوە: #وەفایی
Agir î ’îşqit le rûhim berbuwe ser ta qedem Wek neystan her desûtêm matû xamoş bêseda Çend be naz dêyû deçî serxoşû şoxû şengû mest Ey gulî nazdar, îlahî, bay xezanit lê neda Bax debê her gulfiroş bê, yar ke dête pêkenîn Yan debê ’enber be ba da, ew ke zulfan ba deda Hîndûyî xalit wenêw baxî cemalit kewtuwe Baxewan xanexerap bê! boç gulistan ber deda? Dînû dil sebrû qerarim çote rêgay yek nezer To bilêy ew şoxe wa sermeste qet bête reda? Qet nehate destû carê nebwe aramî dilim Ta qyamet daxî zulfanit le cergî êmeda Boç birom lê têk denêy rût werdegêrî çawekem Ke’be keç bû qîble gora, maçêkim lew lêwe de Le sînemda çi şîrîn dil denalênê be mehzunî Werin lew şîne gwêbgirin, werin lew şîne gwêbgirin Le şînû şêwenî neyda Honrawe: #wefayî