چەنگیز سیگارچی
شەو نە بوو نەشکێ دڵم، نەگرێم بە دەرد و ژانەوە هەر لە ئەستێرەم ڕوانی و یەک بە یەک کووژانەوە من لەگەڵ فرمێسکی گەش هاتم پەژارەم هەڵوەراند بوو بە ڕیحانەی ڕەش و بۆم هاتە نێو گوڵدانەوە خوێنی دڵ بۆنی غوباری ڕێی غەریبی لێ دەهات چەشنی ئاسک چونکە وێڵ بوو بەو دەر و دەشتانەوە ڕۆژگارێکە کە من هەر چاوەڕوانی تۆ دەکەم خۆش نییە بمرم لە ڕێت، بەو چاوی چاوەڕوانەوە دڵ بەوەش ڕازی دەبوو یەک ئاهی گەرمی تێگەڕی هاتە سەر لێو، گەییە ئاه، ڕۆی بە دەم زریانەوە پێ بڵێن بێ، شاری شیعرم پڕ لە شێوەی شیرنە چی دەکا فەرهاد ئاخر، بەو کەژ و کێوانەوە
Şew ne bû neşkê dilim, negrêm be derd û janewe Her le estêrem rwanî û yek be yek kûjanewe Min legel firmêskî geş hatim pejarem helwerand Bû be rîhaney reş û bom hate nêw guldanewe Xwênî dil bonî xubarî rêy xerîbî lê dehat Çeşnî ask çunke wêl bû bew der û deştanewe Rojgarêke ke min her çawerwanî to dekem Xoş nîye bimirim le rêt, bew çawî çawerwanewe Dil beweş razî debû yek ahî germî têgerî Hate ser lêw, geyye ah, roy be dem ziryanewe Pê bilên bê, şarî şî’irim pir le şêwey şîrne Çî deka ferhad axir, bew kej û kêwanewe