عەلی زەندی
سەردەمێک بوو بێ نەغمە بوو باغچەی ژیانم بێ ورتە بوو ناو هێلانەی بولبولەکانم لەرەی دەنگی شادمانی و نەشئەم خنکابوو شەپۆلی بای بەهرە و جۆشم مەنگ ڕاوەستابوو ناهومێد بووم وام ئەزانی دەردێکە کاری بەرەو پیری چوون هێناویە دیاریی ئێجگاری چاوەنواڕ بم سا کەی گەردوون گەردوونی بێ باک جانەوەری گۆڕ هان ئەدا بمکاتە خۆراک قوڵپی گەشی خوێنی جوانی دێتەوە لەشم دیسان شەبەق ئەدا ئاسۆی ئاسمانی ڕەشم لەو ڕۆژەوە دیومە سیحری زەردەخەنەی تۆ دنیای دەروون مەلەکانی هاتووتەوە گۆ سەردەمێک بوو بێ نەغمە بوو باغچەی ژیانم بێ ورتە بوو ناو هێلانەی بولبولەکانم لەرەی دەنگی شادمانی و نەشئەم خنکابوو شەپۆلی بای بەهرە و جۆشم مەنگ ڕاوەستابوو هۆنراوە: گۆران
Serdemêk bû bê nexme bû baxçey jyanim Bê wirte bû naw hêlaney bulbulekanim Lerey dengî şadmanî û neş’em xinkabû Şepolî bay behre û coşim meng rawestabû Nahumêd bûm wam ezanî derdêke karî Berew pîrî çûn hênawye dyarîy êcgarî Çawenwar bim sa key gerdûn gerdûnî bê bak Canewerî gor han eda bimkate xorak Qulpî geşî xwênî cwanî dêtewe leşim Dîsan şebeq eda asoy asmanî reşim Lew rojewe dîwme sîhrî zerdexeney to Dinyay derûn melekanî hatûtewe go Serdemêk bû bê nexme bû baxçey jyanim Bê wirte bû naw hêlaney bulbulekanim Lerey dengî şadmanî û neş’em xinkabû Şepolî bay behre û coşim meng rawestabû Honrawe: goran