نەجمەدین غوڵامی
هەی ڕۆڵە شۆڕش پەروەردەکەم هەی ڕۆڵە شیرینەکەم 'ڕووناک' خۆزگە شنەی بای بەیانی بۆنێکی تۆی ئەهێنا بۆم خۆزگە ئەتزانی یەکجاری چەند بە تاسەی بینینی تۆم تامەزرۆی هەناسەی بۆنخۆشی بەربینی تۆم چەند خۆش دەنگت لە گوێمدایە کۆرپە شیرینەکەی دایە کە بە زەنگی دەنگی نەرمین ئەتوت: "دایە، دایەی شیرین کوانێ بابم؟ کوا لە کوێیە؟ خاڵم لە کام شار؟ کام دێیە؟ نامەیان بۆ هەرگیز نایە؟" منیش ئەموت: گیانی دایە بابت لەوێ لە چیایە تۆش بەو دەستە بیچکۆلانە کاغەزێکت کرد بە نامە ئامانەتی نامەت دا پێم ئەتزانی من بۆ ئێرە دێم جوابی نامەت داوا کرد لێم ئازیزە دڵ خەمینەکەم 'ڕووناک' 'ڕووناک' ڕۆڵە شیرینەکەم ئەوە منیش لە سەنگەری ئەوانەوە لە سەنگەری شۆڕشی کوردستانەوە یادگارە شیرینەکەی یادی بابت لە جیاتی وان وا خۆم دەنووسمەوە جوابت نەکا دڵە بیچکۆلەکەت بە دووری دایەش خەمین بێ نەکا نێرگزی چاوەکانت لێڵی شەونمی ئەسرین بێ خاڵ و بابە پێشمەرگە بوون بەشوێن خۆری بەهارە چوون خۆری گەشی ئاسمانی ڕوون بەهارێ کە هەموو مناڵ دەوریان پڕ بێ لە باب و خاڵ نە تۆ، نە ئازاد، نە گەلاوێژ، نە خەیاڵ، نە هیچ مناڵ چاوتان نەشێوێ بە ئەسرین لێوتان پڕ بێ لە پێکەنین یان دەنگی سروود و کایەتان یان نەغمەی دایە دایەتان بچێتەوە ئاسمانی پاک چاوە ڕاستەکەمی 'ڕووناک' تاسەم لێت نەشکا جوانێ گیان گیانی شیرینم وا من ڕۆیشتم ئەی هاوار سا کەی بتبینم وا من رۆیشتم ئازیز گیان سا کەی بتبینم دڵ کەیلی شەوقی ئازیز گیان ئاسۆی گەشی دوور بە بێ کۆ کردن هەی یاران لە کۆسپ و سنوور وێنەی پەپوولەی ئازیز گیان شەوگاری سامناک باڵ دەوەشێنم هەی یاران بۆ تیشکی ڕووناک تا ڕۆژی ژینی ئازیز گیان سەربەست و ئازاد سەربەست بتبینم ئازیز گیان سەربەست و دڵشاد
Hey role şorş perwerdekem Hey role şîrînekem 'rûnak' Xozge şiney bay beyanî Bonêkî toy ehêna bom Xozge etzanî yekcarî çend be tasey bînînî tom Tamezroy henasey bonxoşî berbînî tom Çend xoş dengit le gwêmdaye Korpe şîrînekey daye Ke be zengî dengî nermîn Etut: "daye, dayey şîrîn Kwanê babim? kwa le kwêye? Xalim le kam şar? kam dêye? Nameyan bo hergîz naye?" Minîş emut: gyanî daye Babit lewê le çyaye Toş bew deste bîçkolane Kaxezêkit kird be name Amanetî namet da pêm Etzanî min bo êre dêm Cwabî namet dawa kird lêm Azîze dil xemînekem 'rûnak' 'rûnak' role şîrînekem Ewe minîş le sengerî ewanewe Le sengerî şorşî kurdistanewe Yadgare şîrînekey yadî babit Le cyatî wan wa xom denûsmewe cwabit Neka dile bîçkoleket be dûrî dayeş xemîn bê Neka nêrgizî çawekanit lêlî şewnimî esrîn bê Xal û babe pêşmerge bûn Beşwên xorî behare çûn Xorî geşî asmanî rûn Beharê ke hemû minal dewryan pir bê le bab û xal Ne to, ne azad, ne gelawêj, ne xeyal, ne hîç minal Çawtan neşêwê be esrîn Lêwtan pir bê le pêkenîn Yan dengî sirûd û kayetan Yan nexmey daye dayetan Biçêtewe asmanî pak Çawe rastekemî 'rûnak' Tasem lêt neşka cwanê gyan gyanî şîrînim Wa min royştim ey hawar sa key bitbînim Wa min royştim azîz gyan sa key bitbînim Dil keylî şewqî azîz gyan asoy geşî dûr Be bê ko kirdin hey yaran le kosp û sinûr Wêney pepûley azîz gyan şewgarî samnak Bal deweşênim hey yaran bo tîşkî rûnak Ta rojî jînî azîz gyan serbest û azad Serbest bitbînim azîz gyan serbest û dilşad