سەعید قەندی
ئەو شەوە لە فراقد من لە مەیخانە هەمدەمێ بادە بیم و شەمع و پەروانە شەمع لە فراقێ یار و من لە هجرێ تۆ تا وە سوو یارمان بی مەی و پەیمانە کەفتمە یادێ ڕووژێ ئاشناییمان ڕووژەیلێ شادمانی ڕووژێ یاریمان تا وە سەحەر ناڵان و پایێ شەمع گریان کارێ من و دڵ بی یادێ قەمێ هجران ئەی خودا تا کەی حەسرەت بکیشم من دۊر لە یارێ خوەم تەنیا بنیشم من ئەسەری نەیرێد ناڵەی دڵێ زارم وە دڵێ سەنگێ یارێ جەفاکارم وەتم وە شەمعێ بیکەس منیش گریانم من هەرچی شەو ئەسیرێ زولفێ گیانانم مەی ئەڕای قەمگوسارد ناڵانە دایم من چۊ بولبول لە عشقێ گوڵ غەزەلخانم بولبول لە قەمێ گوڵی ناڵەی کارییە منیش لە دۊر یارێ خوەم کارم زارییە بی دڵ و قەمگینم فەرهادێ شیرینم لە قەمێ دڵدارم مەیخانەنشینم سیابەختم من، چۊ شەوێ بی نۊرم لە سوبحێ ئومید لە یارێ خوەم دوورم ئەی خودا ڕەحمی وە حاڵی بیمارم ئەسیرێ پەنجەی یارێ جەفاکارم ئەو شەوە لە فراقد من لە مەیخانە هەمدەمێ بادە بیم و شەمع و پەروانە شەمع لە فراقێ یار و من لە هجرێ تۆ تا وە سوو یارمان بی مەی و پەیمانە *؟؟؟= ئەو وشەیەمان بۆ ساغ نەبووەتەوە، تکایە ئەگەر دەیزانن لە ڕێگەی بەشی "ڕاپۆرتی هەڵە" بۆمانی بنووسن. زۆر سپاس
Ew şewe le firaqid min le meyxane Hemdemê bade bîm û şem’ û perwane Şem’ le firaqê yar û min le hicrê to Ta we sû yarman bî mey û peymane Keftime yadê rûjê aşnayîman Rûjeylê şadmanî rûjê yarîman Ta we seher nalan û payê şem’ giryan Karê min û dil bî yadê qemê hicran Ey xuda ta key hesret bikîşim min Dür le yarê xwem tenya binîşim min Eserî neyrêd naley dilê zarim We dilê sengê yarê cefakarim Wetim we şem’ê bîkes minîş giryanim Min herçî şew esîrê zulfê gyananim Mey eray qemgusard nalane daym Min çü bulbul le ’işqê gul xezelxanim Bulbul le qemê gulî naley karîye Minîş le dür yarê xwem karim zarîye Bî dil û qemgînim ferhadê şîrînim Le qemê dildarim meyxanenşînim Syabextim min, çü şewê bî nürm Le subhê umîd le yarê xwem dûrim Ey xuda rehmî we halî bîmarim Esîrê pencey yarê cefakarim Ew şewe le firaqid min le meyxane Hemdemê bade bîm û şem’ û perwane Şem’ le firaqê yar û min le hicrê to Ta we sû yarman bî mey û peymane *???= ew wişeyeman bo sax nebuwetewe, tikaye eger deyzanin le rêgey beşî "raportî hele" bomanî binûsin. Zor sipas