مەلە جوانەکەی سەر داری کانی
بۆچ ئەناڵێنی هەتا بەیانی
هیچ کەس ناتوانێ تا ڕۆژ بناڵێ
مەگەر ئاشقی دێوانەی خاڵێ
وەرە هەردووکمان ناڵەمان یەک خەین
بەڵکوو بەو عەشقە نیشتمان سەرخەین
ناڵەی من لە شەوق ئەو ڕوخسارەیە
ئاهم لە دووری ئەو دیدارەیە
ئەوە من دیارە بۆ یار ئەناڵم
تۆ لە جەوری کێ هاوار بە ماڵم
وەرە هەردووکمان ناڵەمان یەک خەین
بەڵکوو بەو عەشقە نیشتمان سەرخەین
تۆ کێ دەروونی لێ هەڵقرچاندی
کام یارە وا بەم دەردەی گەیاندی
دیارە من و تۆ هەردوو هاودەردین
هەردووکمان وەک یەک تووشی یەک دەردین
وەرە هەردووکمان ناڵەمان یەک خەین
بەڵکوو بەو عەشقە نیشتمان سەرخەین
مەلە جوانەکەی سەر داری کانی
بۆچ ئەناڵێنی هەتا بەیانی
هیچ کەس ناتوانێ تا ڕۆژ بناڵێ
مەگەر ئاشقی دێوانەی خاڵێ
وەرە هەردووکمان ناڵەمان یەک خەین
بەڵکوو بەو عەشقە نیشتمان سەرخەین