بۆرێ مەلە

Wextê desû wayew gela ama sema borê mele
Bê şek byey to melhema pey î xema borê mele
Daxênê teqna rûmetû sûrû henarî nîme şew
Payîz çenî bê taqetî pey min sema borê mele

Beşkem be sêhir û adesa germî wizî şarû cesey
Takey be tasew dîdenî hersew çema borê mele

Çin mêwe deymew serkelî daxê werû tabo şerab
Çaney zyater pey dyey min tasema borê mele

Zanî ke mûsîqî xemî wexta biđo rîşew dilî
Saz û xezanî dûr ceto her matema borê mele

Maçanê payîz ’aşiqa anen pera bêtaqetî
Biryan ce yarî pewketê xatir cema borê mele
Payîz hen û ta yaneket zirde gela bast kero
Min be xişe û dengû gelay çin wirkema borê mele