ئیسمائیل ئاغا چەوگالی
شیرینەکەم ژووری تەنیام ئەمشەو بۆ غەریبیم دەگری چرپای خەم لێ نیشتووی جێگام خامۆشی وا لە چواردەوری چاوەڕوانی کورسی چۆڵم تۆوی بێزاری دەچێنێ گڵۆپی کزی نێو هۆڵم فرمێسک بە بێدەنگ دەڕژێنێ پەنجەرەکان خۆڵی ڕۆژان لەسەر شووشەی چاویان بارە شیرینەکەم ئەمشەو ژیان وەک ماڵەکەم چۆڵ و تارە هەزاران بیری ڕابردوو لە نێو دڵما دێن و دەچن وەک ئەستێرەی ڕێ ونکردوو لە هەوری خەمدا ون دەبن دەی ئێوارەی خۆرنشین مەڵبەدنی تاسەی تەنیایی ئەی جێنەزەرگەی ماتەمین لە ڕۆژ* بکە ماڵاوایی منیش وەک تۆ لە ئاسمانی نائومێدیی دڵدا وێڵم وەک تۆ بەهاری ژیانی تەمەنکورتیی بەجێ دێڵم هەتا کەی خوێن لە چاوانم بڕێژم هەتا کەی دەردی ناکامی نەنێژم هەتا کەی وێڵی شار و هەندەران بم هەتا کەی کەشتی دوورەبەندەران بم هەتا کەی بیرپەرێشان دڵپەشێو بم هەتا کەی هەر بە دەرد و خەم بەخێو بم هەتا کەی شەمعی گریانی شەوان بم هەتا کەی تیری ناسازی کەوان بم ئاخ هەتا کەی تیری ناسازی کەوان بم هەتا کەی بەرگی زەردی پاییزان بم هەتا کەی دوور لە قەوم و ئازیزان بم هەتا کەی دیدەتەڕ بم چاو بە گریان هەتا کەی دڵ بسووتێ بێتە بریان ئاخ هەتا کەی دڵ بسووتێ بێتە بریان هەتا کەی دەور و بەر هەر پڕ هەرا بم هەتا کەی بێ جێگا و ڕێگا و سەرا بم هەتا کەی شەمعی گریانی شەوان بم هەتا کەی تیری ناسازی کەوان بم هەتا کەی ئارەقەی حەسرەت بڕێژم هەتا کەی هەر لە ناکامی ببێژم هەتا کەی دەست لە ئەژنۆیان وەرێنم بڵێ کەی سەر لە بستۆی غەم دەرێنم ئاخ بڵێ کەی سەر لە بستۆی غەم دەرێنم بەڵام ئاسۆی ڕەوێنی حەسرەتانم بەخوای ئاسۆی ڕەوێنی حەسرەتانم *؟ دەبێ هەڵبێ خەزانم
Şîrînekem jûrî tenyam emşew bo xerîbîm degrî Çirpay xem lê nîştûy cêgam xamoşî wa le çwardewrî Çawerwanî kursî çolim towî bêzarî deçênê Gilopî kizî nêw holim firmêsk be bêdeng derjênê Pencerekan xolî rojan leser şûşey çawyan bare Şîrînekem emşew jyan wek malekem çol û tare Hezaran bîrî rabirdû le nêw dilma dên û deçin Wek estêrey rê winkirdû le hewrî xemda win debin Dey êwarey xorinşîn melbednî tasey tenyayî Ey cênezergey matemîn le roj* bike malawayî Minîş wek to le asmanî na’umêdîy dilda wêlim Wek to beharî jyanî temenkurtîy becê dêlim Heta key xwên le çawanim birêjim Heta key derdî nakamî nenêjim Heta key wêlî şar û henderan bim Heta key keştî dûrebenderan bim Heta key bîrperêşan dilpeşêw bim Heta key her be derd û xem bexêw bim Heta key şem’î giryanî şewan bim Heta key tîrî nasazî kewan bim Ax heta key tîrî nasazî kewan bim Heta key bergî zerdî payîzan bim Heta key dûr le qewm û azîzan bim Heta key dîdeter bim çaw be giryan Heta key dil bisûtê bête biryan Ax heta key dil bisûtê bête biryan Heta key dewr û ber her pir hera bim Heta key bê cêga û rêga û sera bim Heta key şem’î giryanî şewan bim Heta key tîrî nasazî kewan bim Heta key areqey hesret birêjim Heta key her le nakamî bibêjim Heta key dest le ejnoyan werênim Bilê key ser le bistoy xem derênim Ax bilê key ser le bistoy xem derênim Belam asoy rewênî hesretanim Bexway asoy rewênî hesretanim *? debê helbê xezanim