جەرگم لەت لەت کەن بە شیران
قۆڵبەستم کەن بە زنجیران
دەچمە دیدەنی دەزگیران
هەر ئەڕوا بەجێم دێڵێ
وەکوو بولبول فەسڵی بەهار
شەو و ڕۆژ و لەیل و نێهار
دەناڵێنم بۆ وەسڵی یار
هەر ئەڕوا بەجێم دێڵێ
دە بڵا دانێن ئیبنوحەجەر
خاڵی لەیلام بێنمە دەفتەر
هەر خاڵێک و دوو سەد گەوهەر
هەر ئەڕوا بەجێم دێڵێ
سوێندت بۆ بخۆم بە پێغەمبەر
هەزار مشتەری هاتنە سەر
فتوا نادەن لە من بە دەر
هەر ئەڕوا بەجێم دێڵێ
خوا کاران هەر وا دەکا
غونچەی لە خاک پەیدا دەکا
ئەمنی پێ موبتەلا دەکا
هەر ئەڕوا بەجێم دێڵێ