عەباس کەمەندی
هیوای دڵ وە تۆن شەوبۆی کۆساران بدۆم وە دەماخ، بۆی عەترێ یاران وەرنە مەزانوو کارم تمامەن پەی دیدار دۆس، خەیاڵم خامەن مەجبوورم وەیتەور مودارای دڵ کەم تا ڕۆژ قیامەت ئازیز هەی گوڵ هەی گوڵ کەم چراغم شەوبۆ، چراغم شەوبۆ شەوێ جە شەوان چیم پەرێ شەوبۆ شایەد بۆی زوڵفت وەی کەمێ بیۆ لێش بەڵکوو زامانم کەمتر بکا ئێش ئەر شەو بۆی زوڵفت وەی بدەو بە شەوبۆ دەیری بام نە جەمع دەیرییانێ کۆ چەنێ بۆ نیام وەی وە بۆیێ شەوبۆ بۆش ئاما ئەمما نەک چون زوڵفێ تۆ فیدای ئەو خوا بم تۆش ئافەریدەن بۆی شەوبۆ جە بۆی تۆ بەرگوزیدەن غەیر جە وەسفی تۆ وەی لە دەم جاری بۆ ئێش زامانم یاڕەب کاری بۆ چراغم شەندی وەی چراغم شەندی خەرمان عومرەکەم تۆ وە شەم شەندی تۆ ڕیشەی نشات زندگیم کەندی تۆ وەشی دنیا جە دەستم سەندی دڵوەشی دنیا جە دەستم سەندی تۆ جامێ زووخاو مەینەت پێم نۆشای تۆ سیادەوار وە جەستەم پۆشای تۆ وە گەردنم خەمان کەردی بار تۆ کەردی سۆمای نوور دیدەم تار تۆ لۆنگێ مەجنوون بەستی وە شانم تۆ گرپەی ئاگر وەردای لە گیانم ئەر سەد هێجرانت وە جەستەم بارەن دڵ بە وەفای تۆ هەر گرفتارەن
Hîway dil we ton şewboy kosaran Bidom we demax, boy ’etrê yaran Werne mezanû karim timamen Pey dîdar dos, xeyalim xamen Mecbûrim weytewr mudaray dil kem Ta roj qyamet azîz hey gul hey gul kem Çiraxim şewbo, çiraxim şewbo Şewê ce şewan çîm perê şewbo Şayed boy zulifit wey kemê byo lêş Belkû zamanim kemtir bika êş Er şew boy zulifit wey bidew be şewbo Deyrî bam ne cem’ deyrîyanê ko Çenê bo nyam wey we boyê şewbo Boş ama emma nek çun zulfê to Fîday ew xwa bim toş aferîden Boy şewbo ce boy to berguzîden Xeyr ce wesfî to wey le dem carî bo Êş zamanim yareb karî bo Çiraxim şendî wey çiraxim şendî Xerman ’umrekem to we şem şendî To rîşey nişat zindigîm kendî To weşî dinya ce destim sendî Dilweşî dinya ce destim sendî To camê zûxaw meynet pêm noşay To syadewar we cestem poşay To we gerdinim xeman kerdî bar To kerdî somay nûr dîdem tar To longê mecnûn bestî we şanim To girpey agir werday le gyanim Er sed hêcranit we cestem baren Dil be wefay to her giriftaren