مستەفا دادار
های گەڵۆ هاوار گەلۆ ئەوە گەلی دە دۆستان گەلی دە برایان هەی گەلی دە برادەران هەرامەتی لەگەڵ یەک زەمان ئەوە سەرکوڵمەی دە وێ کەڵەمەحبووبێ بە من بمێنی بە سوورەگوڵەکەی دە ئەوەڵ بەهارێ ئەگەر بە حوکمی تەرزە و بارانێ لەنجە دادەگرێ لەمبەر ئەوبەری دە کاولە سورمایێ هەی داد نێوانی سینگ و مەمکانت بە من بمێنی بە تاقەکەی حەزرەتی سولەیمانی پێغەمبەری ئەگەر دروست دەکرا بە حوکمی دە نەڕڕە دێوان هەر لەبۆ دوو چاوی دە بلقیسایێ ئەوە قووڵکێ گەردنت بە من بمێنی بە چۆڕەکەی دە شەرابەن تەهووری ئەگەر پیاڵە بە دەستان دەیانگێڕاوە لەبۆ پیاوچاکان لەبۆ موسوڵمانان هەر لەبۆ ڕۆژەکەی دە حاڵەوەلایێ ئەرێ دەک ڕۆڵە بنوو باب مردوو بی خەوی خێرت نەبێ بە بێ بابیت گەورە کەم لەسەر ئەوێ کاولە دنیایێ ئەوە نە بە ڕۆڵە ڕۆڵە و نە بە لایە لایە لایێ ئەوە دایکی دە هەموو کوڕانت سست بوون ئەمنی سەرشین و قەلەندەر و بابانوێران و سەر بە تان و مل بە کوێن هەر وا لە چیایێ ئەمن سەرگەردانی ئەوان شەدە شلانم گەلۆ وەرە گەلۆ هەی داد گەلی دە حەکیمان گەلی دە برایان هەی گەلی دە برادەران هەرامەتی گەلی دە ماجەرایێ ئەوە دڵێکە من گەلێک لە فکرە گەلێک لە خەمە دەلێ دەبێ لانکەیەکی لەبۆ شۆڕئەسمەرێ دروست کەی وەستایانی لەبۆ بێنی ئەی لە کەرکووکێ لە حەڵەبی لە دیاربەکرێ لە *؟ لە مووسڵێ شاگردانی لەبۆ بێنی لە چی لە بەغدایە ئەمن دەلێم دە مامۆستا دەستی منت بە دامێن بی لانکی دە ئەسمەرێ تەختەی سەندەڵ بێ، گوێچکەی فندق بێ ئەمما ڕەوارەی لە داری دە دار خورمایێ ئەوە مەمکی دە ئەسمەرێ کورتن، تورتن، شلکن، شەمەندن ئەمما ناگەنەوە سەر زاری منداڵی دە دایێ ئەمن دەلێم سەد بریام بە بریای دە خودای با دە حەدەحەدی دە نیوەشەویدا هەر بە گوێیەکەی خۆم گوێم لێ با بە زمانێکی *؟ بتگوتبا ڕۆڵە بنوو باب مردوو بی ئەوە چیتە بۆ خەوت نایێ ئەمن سەرگەردانی دە وان شەدەشلانم گەلۆ هاوار گەلۆ هەی داد ئەوە دەلێ سەرێکە من دەئێشی هەی دڵی منی ماڵوێرانێ چەندی لە برینە ئەوڕۆکانە چەندی لە برینە برینە ئەمن بۆت هەڵدەلێم لە نیشانەی دە بەهارێ چون هەوری ڕەشی دە تاریک نا غەواسی دە بەحران [چنە {دنن نەهەنگن، هەرامەتی دە کەونە ماسینە ئەوە جحێڵی دە سۆمای چنە چنارن، پەلکن، بووزن، لاولاون هەر بە عامیان لە من شەنگەبینە هەی داد تەیر و تاش و بلبلی دە ئاسمانێ چنە؟ بازن، شەهێنن، شمقاڕن، هەڵەتانجن، شالوورن، هەر بە عامیان لە من سێ چینە ئەوە سەرکردە و پێشەنگی دە وان تەیرانان کۆترێکی دە وی دە خەت و خاڵ نەخشینە ئەوە لەوێم هەڵدەفڕاندن دەمهێنانە سەر کوێستانی دە عەزیم و بڵیند و سازگار و زەنوێر هەر لەوێیان خۆ دە من دە گۆمیلکە گۆمیلکەی دە نەیلووپەڕێ وەردەهینا ئەوە دەلێم پانیلەی دە وان گەورەکیژان بە من بمێنی بە قەیسێکەی دە هەڵوێنی ئەگەر حەجەمە ڕووتان *؟ لەبۆ من بە دیاری دەهینا ئەوە سینگت بە من بمێنێ بە تەختەکەی شابەندەری باغەڵت بە من بمێنی بە وەتاغی دە حەجەمینە ئەوە دەلێم چاوت بە من بمێنێ بە ئەستێرەکەی دە ڕۆژێ ئەگەر سەری دەنا وە دەرێ بە حام لە دووی کوشتنی منی غەریب و ڕەبەنەماڵی سەقینە ئەمن دەلێم کوڕینە هەر کەسانێکی ڕۆژێ سێ وەعدان و سێ سەعاتان بە یارکێ خۆی ڕەزیل بێ هەر بزانێ لە سوڵتان ڕەشیدخانی ئەستەمبووڵێ بەرەوژێر هێشتاکە وەزیر و وەکیل و نایب لە وێ دنیایە نینە ئەمن سەرگەردانی دە وان شەدە شلانم گەلۆ های وەرە گەلۆ
Hay gelo Hawar gelo Ewe gelî de dostan Gelî de birayan Hey gelî de biraderan Herametî legel yek zeman Ewe serkulmey de wê kelemehbûbê be min bimênî Be sûregulekey de ewel beharê Eger be hukmî terze û baranê Lence dadegrê lember ewberî de kawle surmayê Hey dad Nêwanî sîng û memkanit be min bimênî Be taqekey hezretî suleymanî pêxemberî Eger dirust dekira be hukmî de nerre dêwan Her lebo dû çawî de bilqîsayê Ewe qûlkê gerdinit be min bimênî Be çorekey de şeraben tehûrî Eger pyale be destan deyangêrawe Lebo pyawçakan lebo musulmanan Her lebo rojekey de halewelayê Erê dek role binû bab mirdû bî Xewî xêrit nebê be bê babît gewre kem Leser ewê kawle dinyayê Ewe ne be role role û ne be laye laye layê Ewe daykî de hemû kuranit sist bûn Emnî serşîn û qelender û babanwêran û ser be tan û mil be kwên her wa le çyayê Emin sergerdanî ewan şede şilanim gelo Were gelo Hey dad Gelî de hekîman gelî de birayan hey gelî de biraderan Herametî gelî de macerayê Ewe dilêke min gelêk le fikire gelêk le xeme Delê debê lankeyekî lebo şor’esmerê dirust key Westayanî lebo bênî ey le kerkûkê le helebî le dyarbekirê le *? le mûslê Şagirdanî lebo bênî le çî le bexdaye Emin delêm de mamosta destî minit be damên bî Lankî de esmerê Textey sendel bê, gwêçkey findiq bê Emma rewarey le darî de dar xurmayê Ewe memkî de esmerê kurtin, turtin, şilkin, şemendin Emma nagenewe ser zarî mindalî de dayê Emin delêm sed biryam be biryay de xuday ba De hedehedî de nîweşewîda Her be gwêyekey xom gwêm lê ba Be zimanêkî *? bitgutba role binû bab mirdû bî Ewe çîte bo xewt nayê Emin sergerdanî de wan şedeşlanim gelo Hawar gelo Hey dad Ewe delê serêke min de’êşî Hey dilî minî malwêranê çendî le birîne Ewrokane çendî le birîne birîne Emin bot heldelêm le nîşaney de beharê Çun hewrî reşî de tarîk Na xewasî de behran [çine {dinin nehengin, herametî de kewne masîne Ewe cihêlî de somay çine Çinarin, pelkin, bûzin, lawlawin Her be ’amyan le min şengebîne Hey dad Teyr û taş û bilbilî de asmanê çine? Bazin, şehênin, şimqarn, heletancin, şalûrin, her be ’amyan le min sê çîne Ewe serkirde û pêşengî de wan teyranan kotrêkî de wî de xet û xal nexşîne Ewe lewêm heldefrandin Demhênane ser kwêstanî de ’ezîm û bilînd û sazgar û zenwêr Her lewêyan xo de min de gomîlke gomîlkey de neylûperê werdehîna Ewe delêm panîley de wan gewrekîjan be min bimênî Be qeysêkey de helwênî Eger heceme rûtan *? lebo min be dyarî dehîna Ewe sîngit be min bimênê be textekey şabenderî Baxelit be min bimênî be wetaxî de hecemîne Ewe delêm çawit be min bimênê be estêrekey de rojê Eger serî dena we derê Be ham le dûy kuştinî minî xerîb û rebenemalî seqîne Emin delêm kurîne her kesanêkî rojê sê we’dan û sê se’atan Be yarkê xoy rezîl bê Her bizanê le sultan reşîdxanî estembûlê berewjêr Hêştake wezîr û wekîl û nayb le wê dinyaye nîne Emin sergerdanî de wan şede şilanim gelo Hay were gelo