ئەوین ڕەحمانی
هیوا مەگری، هەنسکی نیوەشەو بەس هەڵدە، بەس بگری لە چاوی بێقەرارم بۆچی دەرمانی وەنەوز ئەبڕی کوڕی خۆم! کۆرپەڵەم! مێوانی دونیای تازە خولقاوم! ئەدا گریەت بە زەربەی چز لە ڕۆحی پڕ گلاراوم چییە ئەم گریە بێغایە، کڕۆزەی** نیوەشەوخورپێن؟ چییە ئەم قەترە وردانەی لە چاوت بێ مەئاڵ** ئەڕژێن؟ لەگەڵ ئەو غونچە ساوایەی لەسەر خەلفی** بەهار ئەڕوێ چییە فەرقت؟ لەبەرچی ئەو هەتاکوو سیس ئەبێ ئەنوێ؟ چییە کۆرپەم*؟ چ سیڕڕێکە وەها مەحکوومی گریانی کە تۆ هێشتا لە خەم ناگەی، لە مەعنای گریە نازانی ئەگەر وەک دایکە* حەسرەت دیدەکەت ڕەنجت* بچێژایە زەمان گەردی ئەمەلتی گشت بە دەم باوە بپێژایە هەقت بوو عەرش بلەرزێنی بە ناڵەی ڕۆحی پڕئێشت لە ئەستێرەی سەما بپژێنی فرمێسکی دڵی ڕێشت! بە خۆڕایی مەترسە، خەم مەخۆ مەگری لە ئێستاوە! بە چی دیارە کە چی لەو تەختی ناوچاوانە نووسراوە؟
Hîwa megrî, heniskî nîweşew bes helde, bes bigrî Le çawî bêqerarim boçî dermanî wenewz ebrî Kurî xom! korpelem! mêwanî dunyay taze xulqawim! Eda giryet be zerbey çiz le rohî pir gilarawim Çîye em girye bêxaye, kirozey** nîweşewxurpên? Çîye em qetre wirdaney le çawit bê me’al** erjên? Legel ew xunçe sawayey leser xelfî** behar erwê Çîye ferqit? leberçî ew hetakû sîs ebê enwê? Çîye korpem*? çi sîrrêke weha mehkûmî giryanî Ke to hêşta le xem nagey, le me’nay girye nazanî Eger wek dayke* hesret dîdeket renicit* biçêjaye Zeman gerdî emeltî gişt be dem bawe bipêjaye Heqit bû ’erş bilerzênî be naley rohî pir’êşt Le estêrey sema bipjênî firmêskî dilî rêşt! Be xorayî metirse, xem mexo megrî le êstawe! Be çî dyare ke çî lew textî nawçawane nûsrawe?