فەریبۆرز نامداری
وە دەنگێ ناقوسێ کلیسا قەسەم وە سەلیبێ پاک وە عیسا قەسەم وە لیم زوڵم کردی دونیای جەفاکار دووسەگەم بردی بیمە عەزادار سەی کە وارانێ ئەشکەیلێ شوورم چۊ قرچە خەیدە جەرگێ ڕەنجوورم فەڵەک لە بارگای تۆنیش دڵگیرم بەختم شیوانی چ بی تەخسیرم وەختی عەجەڵ هات و دونیا و دینم برد ئاسمانیش لە بەختم گیرەی گرد دار و نەدارم لە دەسم دەر کرد هەناسەم سەرد و دڵم ماتەم گرد کافر لە حاڵم کردە موسەڵمان شین و زارییێم وە عاڵەم ڕسان دی دەنگێ ناقوس نییەکەی ئارامم جور عەزیزمردی هەر پەریشانم دووسێ دڵسووز و بی قەل و قەشم ئۊشم لە لای خوەد خاک بکەن لەشم
We dengê naqusê kilîsa qesem We selîbê pak we ’îsa qesem We lîm zulim kirdî dunyay cefakar Dûsegem birdî bîme ’ezadar Sey ke waranê eşkeylê şûrim Çü qirçe xeyde cergê rencûrim Felek le bargay tonîş dilgîrim Bextim şîwanî çi bî texsîrim Wextî ’ecel hat û dunya û dînim bird Asmanîş le bextim gîrey gird Dar û nedarim le desim der kird Henasem serd û dilim matem gird Kafir le halim kirde muselman Şîn û zarîyêm we ’alem risan Dî dengê naqus nîyekey aramim Cur ’ezîzmirdî her perîşanim Dûsê dilsûz û bî qel û qeşim Üşm le lay xwed xak biken leşim