لە باغان ئاه و ناڵین دێ دەڵێن شای نێو گوڵان ڕۆیی
لە مەیخانان سەدای شین دێ دەڵێن پیری موغان ڕۆیی
دەڵێی دەوری قەمەر سەیری فەلەک میزانی گۆڕاوە
کە وا گوڵ زەرد و* سونبول تێک چوو ڕەنگی ئەرغەوان ڕۆیی
سەحەر مەستانە هات بولبول بە شادی بۆ تەوافی گوڵ
کە دی باخ بێ گوڵە داغ بوو بە سەد ناڵە* و فوغان ڕۆیی
بە ناڵەی دڵ شیفام نایە درێغ بۆ مەرهەمی جەرگم
لە زەنگی کارەوان چی بکەم؟ دەلیلی کارەوان ڕۆیی
بە ناڵەی بولبول و قومری وەفایی بۆیە هەر دەگریم
گوڵێکی سەروی* باڵام بوو بە تاراجی خەزان ڕۆیی
چارۆگێ و چارۆگێ دەبا بێ خودانێ چارۆگێ
چارۆگێ و چارۆگێ شل کە گرەی لە دەسرۆکێ
یارم دەڕوا دێتن دەنا دڵ دەبا دەچێتن
سوخمەی گەلێ سوورە دەنا لە مەمکۆڵەی دێتن
چارۆگێ و چارۆگێ دەبا بێ خودانێ چارۆگێ
چارۆگێ و چارۆگێ شل کە گرەی لە دەسرۆکێ
بە نازی چاوەکەی وەک بازی کە بازی دام هەتا دەمرم*
دەترسێم هەر بە بازی بمکوژێ ئەو یاری منداڵە
یارم دەڕوا دێتن دەنا دڵ دەبا دەچێتن
سوخمەی گەلێ موورە دەنا لە مەمکۆڵەی دێتن
سوخمەی گەلێ سوورە دەنا لە مەمکۆڵەی دێتن
چارۆگێ و چارۆگێ دەبا بێ خودانێ چارۆگێ
چارۆگێ و چارۆگێ شل کە گرەی لە دەسرۆکێ