ناسر ڕەزازی
ئەو کوڕەی هێشتا لە ژوانێ ڕێی هەیە سەیرە زۆر سەیرە کە ئالوودەی مەیە ئەو کەسەی پەنجۆڵە بکوشێ جاروبار ئەو کەسەی دەستی بگاتە گەردنی یار ئەو کەسەی ڕامووسێ کوڵمەی تاس و لووس ئەو کەسەی تێی هەڵنەدابێ چارەنووس ئەو کەسەی بمژێ خوناوەی گەردەنێ کفرە یەک قەترە شەرابی گەر دەنێ ئەو کەسەی ئاسوودە و خۆش ڕایبوارد قەت خەمی یەخسیر و کۆیلانی نەخوارد خەمڕەوێنێک گوێ بداتە ڕازی ئەو نازەنینێک بێ بکێشێ نازی ئەو بگرێ پەنجەی نەرم و نۆڵ ناسکێ بۆی کرابێتە سەرینێ، باسکێ هەیبێ هێز و گورد و تین و تاو و گۆڕ ڕۆژگاری ڕەش نەبێ بەختی مگوڕ ئەو کەسە جێگای لە مەیخانە نییە ئەو کەسە بادە و شەرابی بۆ چییە شیوەنی من شینی کوردی بێبەشە ئەو گەلەی حاشا دەکەن لێی و هەشە با لە زارم بێتە دەر پشکۆی شیعر با فراوانتر بکەم ئاسۆی شیعر پارچەگۆشتێکە دڵی من ڕوو نییە ناڵەناڵی من درەنگە زوو نییە دەردی دووری کوشتمی دەردی وشیاری و سەبووری کوشتمی یادی یاران و وڵاتم ڕۆژ و شەو لێی حەرام کردووم* قەرار و خورد و خەو یادی یاران و وڵاتم ڕۆژ و شەو لێی حەرام کردم قەرار و خورد و خەو شەو دەکێشم شەونخونی و بێخەوی ڕۆژ دەچێژم دەرد و داخی بێ ئەوی چۆن نەناڵێ ئەو دڵەی پڕ هەستی من چۆن لە ئەژنۆ ببنەوە دوو دەستی من کوردەواری ئەی وڵاتە جوانەکەم ڕۆڵەکەم خێزانەکەم باوانەکەم ئەی ئەوانەی قەت لە بیرم ناچنەوە ئێستە بمبینن ئەرێ ئەمناسنەوە ڕۆژگار هاڕیومی وەک ئەسپۆنی ورد هێز و توانای لێ بڕیوم دەردە کورد بوومە گەپچاڕ و دەکا گاڵتەی بە من ئەو ڕمووزنەی زەندەقی چووبوو لە من
Ew kurey hêşta le jwanê rêy heye Seyre zor seyre ke alûdey meye Ew kesey pencole bikuşê carubar Ew kesey destî bigate gerdinî yar Ew kesey ramûsê kulmey tas û lûs Ew kesey têy helnedabê çarenûs Ew kesey bimjê xunawey gerdenê Kifre yek qetre şerabî ger denê Ew kesey asûde û xoş raybiward Qet xemî yexsîr û koylanî nexward Xemrewênêk gwê bidate razî ew Nazenînêk bê bikêşê nazî ew Bigrê pencey nerim û nol naskê Boy kirabête serînê, baskê Heybê hêz û gurd û tîn û taw û gor Rojgarî reş nebê bextî migur Ew kese cêgay le meyxane nîye Ew kese bade û şerabî bo çîye Şîwenî min şînî kurdî bêbeşe Ew geley haşa deken lêy û heşe Ba le zarim bête der pişkoy şî’ir Ba firawantir bikem asoy şî’ir Parçegoştêke dilî min rû nîye Nalenalî min direnge zû nîye Derdî dûrî kuştimî Derdî wişyarî û sebûrî kuştimî Yadî yaran û wilatim roj û şew Lêy heram kirdûm* qerar û xurd û xew Yadî yaran û wilatim roj û şew Lêy heram kirdim qerar û xurd û xew Şew dekêşim şewnxunî û bêxewî Roj deçêjim derd û daxî bê ewî Çon nenalê ew diley pir hestî min Çon le ejno bibnewe dû destî min Kurdewarî ey wilate cwanekem Rolekem xêzanekem bawanekem Ey ewaney qet le bîrim naçnewe Êste bimbînin erê emnasnewe Rojgar harîwmî wek esponî wird Hêz û twanay lê birîwim derde kurd Bûme gepçar û deka galtey be min Ew rimûzney zendeqî çûbû le min