تاهیر حوسێنی
وەی لە زاڵم بۆ بێدەنگ و کپ دانیشتوون وەک کوندەبوو چاوتان زەقە و لەسەر وێرانە هەڵنیشتوون ساڵەهایە دەستەونەزەر لە سووچێکا دوور لە ڕێبوارانی زەمان وەک کۆڵەکە ڕاوەستاون یانە وەکوو لەتکە دارێک بێ دەسەڵات گیرۆدەی هەڵپەڕکێی ئاون وەی زاڵم نەمێنی وەرن تاوێک گوێتان هەڵخەن لە ئامێزی بێدەنگیی دەنگ ئێوەی خەواڵووی بێخەبەر ئێوەی سڕبوو لە گوڕەی شەڕ چەقەڵسانانی بێگانە بۆ مژینی دوادڵۆپی شیلەی گیانتان مشتومڕیانە شەڕیانە وەی زاڵم نەمێنی وەی لە زاڵم ئەگەر هات و ڕۆژێک هەستان ئەو شیعرەی من بسووتێنن لە جیاتیی شیعر وێنەی جوانی شانەی هەنگ و لانەی مێروو لەسەر کاغەز بنەخشێنن وەی زاڵم نەمێنی
Wey le zalim Bo bêdeng û kip danîştûn Wek kundebû çawtan zeqe û leser wêrane helnîştûn Salehaye destewnezer le sûçêka dûr le rêbwaranî zeman Wek koleke rawestawin Yane wekû letke darêk bê deselat gîrodey helperkêy awin Wey zalim nemênî Werin tawêk gwêtan helxen le amêzî bêdengîy deng Êwey xewalûy bêxeber Êwey sirbû le gurey şer Çeqelsananî bêgane bo mijînî dwadlopî şîley gyantan Miştumryane şeryane Wey zalim nemênî Wey le zalim Eger hat û rojêk hestan ew şî’rey min bisûtênin Le cyatîy şî’ir wêney cwanî şaney heng û laney mêrû Leser kaxez binexşênin Wey zalim nemênî