Teyrokê

ناسر ڕەزازی Nasir Razazi
Dialect: Sorani 1422
Download 
ئەرێ هاتەوە هاتەوە تەیرەکەی گەرمێنێ ئای دەکەوت لە سەرووی زەنوێران
ئەرێ بای شەماڵ تۆش بە خێر بێی هێنات ئازیز ئای بۆنی بەڕەزا و کەنێران
ئەرێ نازدار بێنە ماچت کەم ئای هەر ئەوشۆم ماوە لێرا

ئەرێ هاتەوە هاتەوە تەیرەکەی گەرمێنێ ئای لە دوور دێ شەقەی باڵی
ئەرێ بۆ هەر لایێ بە کەیفی بێ دەڕوا ئای هەزار خۆزگەم بە حاڵی
ئەرێ نازدار بێنە ماچت کەم ئای چونکە گەورە کچی ماڵی
ئەرێ نازدار بێنە ماچت کەم وەڵا ئای چونکە گەورە کچی ماڵی
چیرۆکی گۆرانیی تەیرۆکێ
بە گوتەی 'خدر حەسەن'ی ١٠٠ ساڵەی خەڵکی دارەلەک، خڕناڵ خەڵکی گوندی 'گاپیس'ی ناوچەی شاروێرانی مەهاباد بووە. لە وتووێژێکدا کە ١٦ی ١٠ی ١٣٦٥ی هەتاوی لەگەڵم کردووە، ئەو داستانەی گێڕاوە: "خڕناڵ و هەڵکەتی [دوو بەیتبێژی ناوچەی موکریان] جارێکی دەچنە ئاوایی 'گردک سپییان' بۆ داوەتێ. لەوێ هەڵکەتی ئاشقی بێوەژنێکی دەبێ، سێ برای دەبن؛ نایدەنێ. لەوێوە دەچنە خزمەت میری ڕەواندزێ. میر خۆشخوانێکی دەبێ. لێیان دەپرسێ چ کارەن و لە کوێ ڕا هاتوون؟ دەڵێن لە کوێستانێ ڕا هاتووین و کوتنێ دەڵێین. میر دەڵێ ئەوەش خۆشخوانی منە. ئەگەر چاکترتان زانی ئەوە ڕاتان دەگرم. دەودەمیدا دەستەیەک تەیر لە گەرمێنێ ڕا بەرەو کوێستان دەگەڕێنەوە. هەڵکەتی بە خڕناڵ دەڵێ ئەمن لە گەرمێنێڕا بە پێهەڵکوتن دەیهێنمە ئێرە و ئەتۆش لێرەڕا بیبە بەحرێ [گۆلی ورمێ]. 'تەیرۆکێ' ئەودەمی ئەوان دایانناوە. میر خۆشخوانی خۆی بۆ ئەوان ڕووت دەکاتەوە. نامەیەکیش دەنووسی ئەو ژنەی بدەنێ. هەتا دێنەوە ژنە مێرد بە یەکی دیکە دەکا.
سەرچاوە: گەنجی سەر بە مۆر - ئەحمەدی بەحری
Erê hatewe hatewe teyrekey germênê ay dekewt le serûy zenwêran
Erê bay şemal toş be xêr bêy hênat azîz ay bonî berezaw kenêran
Erê nazdar bêne maçit kem ay her ewşom mawe lêra

Erê hatewe hatewe teyrekey germênê ay le dûr dê şeqey balî
Erê bo her layê be keyfî bê derwa ay hezar xozgem be halî
Erê nazdar bêne maçit kem ay çunke gewre kiçî malî
Erê nazdar bêne maçit kem wela ay çunke gewre kiçî malî
Çîrokî goranîy teyrokê
Be gutey 'xidir hesen'y 100 saley xelkî darelek, xirnal xelkî gundî 'gapîs'y nawçey şarwêranî mehabad buwe. le wituwêjêkda ke 16y 10y 1365y hetawî legelim kirduwe, ew dastaney gêrawe: "xirnal û helketî [dû beytibêjî nawçey mukiryan] carêkî deçne awayî 'girdik sipîyan' bo dawetê. lewê helketî aşqî bêwejnêkî debê, sê biray debin; naydenê. lewêwe deçne xizmet mîrî rewandizê. mîr xoşxiwanêkî debê. lêyan depirsê çi karen û le kwê ra hatûn? delên le kwêstanê ra hatûyn û kutnê delêyn. mîr delê eweş xoşxiwanî mine. eger çaktirtan zanî ewe ratan degirim. dewdemîda desteyek teyr le germênê ra berew kwêstan degerênewe. helketî be xirnal delê emin le germênêra be pêhelkutin deyhênme êre û etoş lêrera bîbe behrê [golî wirmê]. 'teyrokê' ewdemî ewan dayannawe. mîr xoşxiwanî xoy bo ewan rût dekatewe. nameyekîş denûsî ew jiney bidenê. heta dênewe jine mêrd be yekî dîke deka.
Serçawe: gencî ser be mor - ehmedî behrî

Report a Problem