Erê hatewe hatewe teyrekey germênê ay hêşta dûre dexwênê
Ay le şeqey tîjbalîda hawar ay golawan deşleqênê
Ay hezar set hezar xozgem wey bew kesey ay des le gerdinî werdênê
Wey bejnê barîk heldegirim hawar ay bo wilatekey bîtwênê
Erê hatewe hatewe teyrekey germênê bew teyrem delên reş dale
Ey balû tîjbalî lêda hawar ay le şwên yarî ’ebdale
Ay hezar set hezar xozgem wey bew kesey ay legel naskol hawmale
Wey dost be malî zor nîye çî bikem ay be bextew be îqbale
Erê hatewe hatewe teyrekey germênê ay le dûr wek gul xemlawe
Hey panyey qeysî helwêne hawar ay be darêwe detwawe
Ay hezar set hezar xozgem wey bew kesey ay demî le demî nawe
Ay eger nabê be yarim pêy bilên hey dewlet zyadû malawa
Çîrokî goranîy teyrokê
Be gutey 'xidir hesen'y 100 saley xelkî darelek, xirnal xelkî gundî 'gapîs'y nawçey şarwêranî mehabad buwe. le wituwêjêkda ke 16y 10y 1365y hetawî legelim kirduwe, ew dastaney gêrawe: "xirnal û helketî [dû beytibêjî nawçey mukiryan] carêkî deçne awayî 'girdik sipîyan' bo dawetê. lewê helketî aşqî bêwejnêkî debê, sê biray debin; naydenê. lewêwe deçne xizmet mîrî rewandizê. mîr xoşxiwanêkî debê. lêyan depirsê çi karen û le kwê ra hatûn? delên le kwêstanê ra hatûyn û kutnê delêyn. mîr delê eweş xoşxiwanî mine. eger çaktirtan zanî ewe ratan degirim. dewdemîda desteyek teyr le germênê ra berew kwêstan degerênewe. helketî be xirnal delê emin le germênêra be pêhelkutin deyhênme êre û etoş lêrera bîbe behrê [golî wirmê]. 'teyrokê' ewdemî ewan dayannawe. mîr xoşxiwanî xoy bo ewan rût dekatewe. nameyekîş denûsî ew jiney bidenê. heta dênewe jine mêrd be yekî dîke deka.
Serçawe: gencî ser be mor - ehmedî behrî
