Muhammad Mamle
ژیر بەوە ڕۆڵەی ژیر و جوانم لە داخی لانک دەگری دەزانم دەڵێی بۆ حەپسم بۆ دەستەبەستم بەو بەند و حەپسە من جەستە خەستەم لەنێو کورد نەبێ دەسرازە نییە ئەو بەند و قوفڵە و قەڕازە نییە ڕۆڵە من بیرم لە تۆ زیاترە دەسرازە و لانک بتبێ چاترە هەی لایە لایە ڕۆڵە لای لایە مات بە پێت بڵێم لەبەر چی وایە بۆیە دەتپێچم تا خووی پێ بگری نەک تا من ماوم لە بەندا بمری ڕاستە نەتەوەی شێری ژیانی نەتەوەی پاکی گەلی کوردانی بەڵام چونکوو کورد ئەوڕۆ بێکەسە بەشیان لە دنیا کۆت و مەحبەسە بۆ چارەڕەشیت نەماوە ژینم هەر پێم خۆش نییە مەرگت ببینم هەی لایە لایە ڕۆڵە لای لایە هەزار تێبینی دوایەم لە لایە دەسرازە: ئەو پەتە پانەی بە بەنی ڕەنگاوڕەنگ وەک کەژوو دەیهۆننەوە بۆ بەستنەوەی دەست و لاقی منداڵ لە لانکەدا. قەڕازە: زنجیری شت بەستن. هۆنراوە: هەژار ڕیمیکس: دڵزار عابیدی
Jîr bewe roley jîr û cwanim Le daxî lank degrî dezanim Delêy bo hepsim bo destebestim Bew bend û hepse min ceste xestem Lenêw kurd nebê desraze nîye Ew bend û qufle û qeraze nîye Role min bîrim le to zyatre Desraze û lank bitbê çatre Hey laye laye role lay laye Mat be pêt bilêm leber çî waye Boye detpêçim ta xûy pê bigrî Nek ta min mawim le benda bimrî Raste netewey şêrî jyanî Netewey pakî gelî kurdanî Belam çunkû kurd ewro bêkese Beşyan le dinya kot û mehbese Bo çarereşît nemawe jînim Her pêm xoş nîye mergit bibînim Hey laye laye role lay laye Hezar têbînî dwayem le laye Desraze: ew pete paney be benî rengawreng wek kejû deyhonnewe bo bestinewey dest û laqî mindal le lankeda. Qeraze: zincîrî şit bestin. Honrawe: Hejar Rîmîkis: Dilzar Abîdî