Muhammad Mamle
مەمکوژە تۆ گەردنی خۆت ڕووت لە زولفان دەرخەوە ئەی ستارەی سوبحدەم ئەوشۆکە زووتر دەرکەوە تاقەتم چوو ئارەقی گەردنت بە زولفان ون مەکە ئەی سبەی ساڵحان ئەتۆ بکەی ئەمشۆ ڕۆژ بێتەوە سووتبووم خۆم دا پەنای زولفت دەمێک ئاسوودە بم ڕووت نیشان دام باز لە سایەی تۆوە ئاورم گرتەوە زولفت ئەفشان کرد و پەنهان بووی و دونیات کردە تەم خۆت وەدەرنا عالەمت سووتاند و ئاورت کردەوە با بە هەویای پایبووسیت عومری من کۆتا نەبێ مەیخە پشت گوێ، مەرگی من، بێ زولفەکانت بەردەوە ئولفەتی زولفت چییە قوربان لەگەڵ ڕوخساری تۆ؟ خۆ بە هیچ دینێکی نابێ کوفر و ئیمان پێکەوە هاتە سەر خەندە کە من سوڵتانی حوسن و دڵبەرم غایەتی سووڕەت نومای ڕۆژی جەماڵی من شەوە بای سەبای بەرقەع گوشا بوو؟ یا ئەتۆ بووی خۆت نواند؟ یا نە ڕیزوان دەرکی گوڵزاری بەهەشتی کردەوە؟ من لەبەر عەکسی نیگاهت کەوتووم هۆشم نییە چاوەکەی تۆ هەر نەخۆشە یا نە سەرخۆشی خەوە؟ خارقەلعاداتی زولف و خاڵ و خەندەی زاری تۆ میشک و عەنبەر، شەهد و شەککەر، لەعل و گەوهەر پێکەوە زولفی لادا تا دیار بێ جاعیلی لەیل و نەهار ڕووی وەدەرنا تا بزانن خالقەلئەسباح ئەوە نەوڕەسیدەی نەخلی باڵای شەرحی حەرفی وەحدەتە نەور و نەکهەت، نوور و زوڵمەت، نار و جەننەت پێکەوە وەک سەری زولفت دەبێ کێ بێ حیسابی تێک نەچێ گەر بە ناز تۆ بێیە پەی مەحشەر بە چاوی مەستەوە؟ چم لە ئوممێدی بەهەشت و بیمی دۆزەخ داوە من؟ دۆزەخی من هەر فیراقە، جەننەتم وەسڵی ئەوە لێوەکەت عومرم بوو شەرتت کرد بە دڵ جارێکی دیش وەختە بوو بمرم وەرە عومری دوبارەم پێ بدەوە خۆش بە ناز ڕامەبرە، قوربان، ئیلتیفاتێکت هەبێ دادخواهـ زۆر کەوتوون نەختێ سەمەندت بگرەوە تاقی ئەبرۆت دەرخە شادم کا هەتا قوربانی بم
Memkuje to gerdinî xot rût le zulfan derxewe Ey sitarey subhidem ewşoke zûtir derkewe Taqetim çû areqî gerdinit be zulfan win meke Ey sibey salhan eto bikey emşo roj bêtewe Sûtbûm xom da penay zulifit demêk asûde bim Rût nîşan dam baz le sayey towe awrim girtewe Zulifit efşan kird û penhan bûy û dunyat kirde tem Xot wederna ’alemit sûtand û awrit kirdewe Ba be hewyay paybûsît ’umrî min kota nebê Meyxe pişt gwê, mergî min, bê zulfekanit berdewe Ulfetî zulifit çîye qurban legel ruxsarî to? Xo be hîç dînêkî nabê kufir û îman pêkewe Hate ser xende ke min sultanî husin û dilberim Xayetî sûret numay rojî cemalî min şewe Bay sebay berqe’ guşa bû? ya eto bûy xot nwand? Ya ne rîzwan derkî gulzarî beheştî kirdewe? Min leber ’eksî nîgahit kewtûm hoşim nîye Çawekey to her nexoşe ya ne serxoşî xewe? Xarqel’adatî zulf û xal û xendey zarî to Mîşk û ’enber, şehd û şekker, le’il û gewher pêkewe Zulfî lada ta dyar bê ca’îlî leyl û nehar Rûy wederna ta bizanin xalqel’esbah ewe Newresîdey nexlî balay şerhî herfî wehdete Newr û nekhet, nûr û zulmet, nar û cennet pêkewe Wek serî zulifit debê kê bê hîsabî têk neçê Ger be naz to bêye pey mehşer be çawî mestewe? Çim le ummêdî beheşt û bîmî dozex dawe min? Dozexî min her fîraqe, cennetim weslî ewe Lêweket ’umirim bû şertit kird be dil carêkî dîş Wexte bû bimirim were ’umrî dubarem pê bidewe Xoş be naz ramebre, qurban, îltîfatêkit hebê Dadxiwah zor kewtûn nextê semendit bigrewe Taqî ebrot derxe şadim ka heta qurbanî bim