Nasir Razazi
ئەی ئەو کەسەی دەتپەرستم و لێم ونی تۆ خودا نی، تۆ خۆشەویستی منی لە ئاسمان نی تا وێت ڕانەگا دەستم لە قاف نی کاڵەی ئاسنت بۆ هەڵبەستم تۆی لە من ون کرد و منی لە تۆ دوور ئەو بستۆکەی دوژمن ناوی نا سنوور نا مەچۆ، جوانێ مەچۆ، واوە مەچۆ؟ تۆ فریوی زێڕ و زیوی وان مەخۆ ئەو هەوەسبازانە جێی متمانە نین هەر دەزانن گوڵ چنین و بەی ڕنین وا وەرە دەی وا وەرە نێزیک بە لێم بمدەیە مەی بمدەیە مەی تا دەڵێم مەستێ مەستەم ساقییا دەستەم بگیر تا نەیۆفتادەم ز پا دەستەم بگیر جا کە سەرخۆش بووم بە دەنگێکی نەوی بۆت دەڵێم ئەو شێعرە بەرزەی مەولەوی بشنەو ئەز نەی چون حکایەت میکونەد وەز جۆداییها شێکایەت میکونەد گوێم دەیە ئەی دیدەمەستی قیت و قۆز تا بناڵێنم وەکوو بلوێر بەسۆز نابێ قەت ناڵەی جودایی بێ ئەسەر جا چ نەی بیکا چ پیاوی دەربەدەر بۆیە ناڵەم تێکەڵی نەی کردووە شیوەنێکم پێیە نەی نەیکردووە لێم گەڕێ با دەربڕم سۆزی دەروون لێم گەڕێ تا هەڵوەرێنم ئەشکی ڕوون شیوەنی من شیوەنی ئینسانییە بانگی ئازادی و گڕووی یەکسانییە شیوەنی من شینی کوردی بێ بەشە ئەو گەلەی حاشا دەکەن لێی و هەشە با لە زارم بێتە دەر پشکۆی شێعر با فراوانتر بکەم ئاسۆی شێعر پارچە گۆشتێکە دڵی من ڕوو نییە ناڵەناڵی من درەنگە و زوو نییە دەردی دووری کوشتمی دەردی هوشیاری و سەبووری کوشتمی یادی یاران و وڵاتم ڕۆژ و شەو لێی حەرام کردم قەرار و خورد و خەو خەمڕەوێنێک لێرە من ناکەم بەدی چۆن پەنا بۆ مەی نەبەم، ساقی! ئەدی!؟ نابینم خاک و وڵات و شاری خۆم نابینم ناسیاو و دۆست و یاری خۆم ڕوو لەهەر لایەک دەکەم نامۆیە بۆم نابینم جێژوان و کەونە لانی خۆم شەو دەکێشم شەونخوونی و بێ خەوی ڕۆژ دەچێژم دەرد و داخی بێ ئەوی چۆن نەناڵێ ئەو دڵەی پڕ هەستی من؟ چۆن لە ئەژنۆ ببنەوە دوو دەستی من؟ چۆن نەناڵێ ئەو دڵە ئەنگاوتەیە؟ بەرد لە بەردی بێتەوە دەنگی هەیە ژانی ناسۆری جوداییم چێشتووە هەرچی خۆشم ویستووە جێم هێشتووە هەڵبڕاوم من لە یاری نازەنین دەرکراوم من لە خاکی دڵنشین بوومە ئاوارە و پەڕیوەی دووروڵات کەوتمە نێو وردەداوی ڕێی نەجات بوومە ئاوارە و پەڕیوەی دووروڵات کەوتمە نێو وردەداوی ڕێی نەجات کوردەواری، ئەی وڵاتە جوانەکەم! ڕۆڵەکەم! خێزانەکەم! باوانەکەم! ئەی ئەوانەی قەت لەبیرم ناچنەوە ئێستە بمبینن ئەرێ ئەمناسنەوە؟ ئەی ڕەفیقان، ئەی عەزیزانی وڵات! ئەی برای هاوسەنگەری جەرگەی خەبات! گەر دەناڵێنم، ئەمن پەککەوتە نیم تێ دەکۆشم بۆ وەسڵ تاکوو دەژیم کۆششی من زۆر بەجێیە و زۆر ڕەوا چونکە قانوونی تەبیعەت وایە، وا هەر دەپێوم کێو و شاخ و چۆڵ و دەشت دێم بەرەو کوێستان بەرەو باخی بەهەشت دێم بەرەو هۆبە و هەواری باسەفا دێم بەرەو لادێ، بەرەو کانگەی وەفا تا بمێنێ نووری چاو و هێزی پێم دێم و دێم و دێم و دێم و دێم و دێم دێم هەتا هەمبێ بڕست و بیر و هۆش گەر گلاشم، کوردەواری و ئێوە خۆش!
Ey ew kesey detperistim û lêm winî To xuda nî, to xoşewîstî minî Le asman nî ta wêt ranega destim Le qaf nî kaley asinit bo helbestim Toy le min win kird û minî le to dûr Ew bistokey dujmin nawî na sinûr Na meço, cwanê meço, wawe meço? To firîwî zêr û zîwî wan mexo Ew hewesbazane cêy mitmane nîn Her dezanin gul çinîn û bey rinîn Wa were dey wa were nêzîk be lêm Bimdeye mey bimdeye mey ta delêm Mestê mestem saqîya destem bigîr Ta neyoftadem z pa destem bigîr Ca ke serxoş bûm be dengêkî newî Bot delêm ew şê’re berzey mewlewî Bişnew ez ney çun hikayet mîkuned Wez codayîha şêkayet mîkuned Gwêm deye ey dîdemestî qît û qoz Ta binalênim wekû bilwêr besoz Nabê qet naley cudayî bê eser Ca çi ney bîka çi pyawî derbeder Boye nalem têkelî ney kirduwe Şîwenêkim pêye ney neykirduwe Lêm gerê ba derbirim sozî derûn Lêm gerê ta helwerênim eşkî rûn Şîwenî min şîwenî însanîye Bangî azadî û girûy yeksanîye Şîwenî min şînî kurdî bê beşe Ew geley haşa deken lêy û heşe Ba le zarim bête der pişkoy şê’ir Ba firawantir bikem asoy şê’ir Parçe goştêke dilî min rû nîye Nalenalî min direnge û zû nîye Derdî dûrî kuştimî Derdî huşyarî û sebûrî kuştimî Yadî yaran û wilatim roj û şew Lêy heram kirdim qerar û xurd û xew Xemrewênêk lêre min nakem bedî Çon pena bo mey nebem, saqî! edî!? Nabînim xak û wilat û şarî xom Nabînim nasyaw û dost û yarî xom Rû leher layek dekem namoye bom Nabînim cêjwan û kewne lanî xom Şew dekêşim şewnxûnî û bê xewî Roj deçêjim derd û daxî bê ewî Çon nenalê ew diley pir hestî min? Çon le ejno bibnewe dû destî min? Çon nenalê ew dile engawteye? Berd le berdî bêtewe dengî heye Janî nasorî cudayîm çêştuwe Herçî xoşim wîstuwe cêm hêştuwe Helbirawim min le yarî nazenîn Derkirawim min le xakî dilinşîn Bûme aware û perîwey dûrulat Kewtime nêw wirdedawî rêy necat Bûme aware û perîwey dûrulat Kewtime nêw wirdedawî rêy necat Kurdewarî, ey wilate cwanekem! Rolekem! xêzanekem! bawanekem! Ey ewaney qet lebîrim naçnewe Êste bimbînin erê emnasnewe? Ey refîqan, ey ’ezîzanî wilat! Ey biray hawsengerî cergey xebat! Ger denalênim, emin pekkewte nîm Tê dekoşim bo wesil takû dejîm Koşşî min zor becêye û zor rewa Çunke qanûnî tebî’et waye, wa Her depêwim kêw û şax û çol û deşt Dêm berew kwêstan berew baxî beheşt Dêm berew hobe û hewarî basefa Dêm berew ladê, berew kangey wefa Ta bimênê nûrî çaw û hêzî pêm Dêm û dêm û dêm û dêm û dêm û dêm Dêm heta hembê birist û bîr û hoş Ger gilaşim, kurdewarî û êwe xoş!