Qadir Dilan
لە دوور هاتووم جەژن بکەم جەژنی نەورۆزی کورد بکەم تێر تێر بۆنی نێرگز بکەم جوان تەماشای خێڵان بکەم لە ڕێیەکی زۆر دوورەوە هاتووم بۆ ئەو دیو شارەزوور شاد بم بە ڕەنگی سەوز و سوور بە مۆسیقای چەمی بەخووڕ پڕ پەرۆشم بۆ ڕەشبەڵەک بۆ زرمەی پێ و دەنگی زوڕنا نیازم وا بوو زوو دەست گرم لەو بەزمەدا پێ هەڵگرم بێزووم دەکرد بە خەندەیەک بۆ ئەملاولا ماچکردنێک بۆیە هاوار تۆ لە کوێ بووی بەڕاستی دەست لە گەردنێ هەر لە شارەزوور تێپەڕیم زۆر پەشۆکام، هەناوم نەما ئەژنۆم شەکا، هیچ هێزم نەما خەیاڵم نەما، نەورۆز نەما لە خوار شاخەوە گرمە هات دووکەڵێکی نارنجی هات پێش نیوەڕۆ رۆژ ئاوا بوو زۆر دوور ناڕۆم هیچ دوور ناڕۆم لە دیو زەڵم نزیک بامۆک هەر لاشەیە و لای لاشەیە بە سەدان لاشەیە هەر گوڵاڵەیە و مل خوار دەکات هەر نێرگزە و بۆن کڕووز دەکات هەر سەوزەگیایە و ڕەش دەبێ هەر کانییە و وشک دەبێ کۆرپە و مناڵ و پیاوی پیر کیژۆڵە و کیژ و دایکی پیر دەست لە ملن ڕاکشاون هەزارانن ڕاکشاون پاش لەخۆدان فرمێسکڕشتن بە قووڵی ڕوانیمە ئاسمان بۆ یەک وشە لەگەڵ یەزدان کەی دسێنی تۆڵەی کوردان؟
Le dûr hatûm cejin bikem Cejnî newrozî kurd bikem Têr têr bonî nêrgiz bikem Cwan temaşay xêlan bikem Le rêyekî zor dûrewe Hatûm bo ew dîw şarezûr Şad bim be rengî sewz û sûr Be mosîqay çemî bexûr Pir peroşim bo reşbelek Bo zirmey pê û dengî zurna Nyazim wa bû zû dest girim Lew bezmeda pê helgirim Bêzûm dekird be xendeyek Bo emlawla maçkirdinêk Boye hawar to le kwê bûy Berastî dest le gerdinê Her le şarezûr têperîm Zor peşokam, henawim nema Ejnom şeka, hîç hêzim nema Xeyalim nema, newroz nema Le xwar şaxewe girme hat Dûkelêkî narincî hat Pêş nîwero roj awa bû Zor dûr narom Hîç dûr narom Le dîw zelim nizîk bamok Her laşeye û lay laşeye Be sedan laşeye Her gulaleye û mil xwar dekat Her nêrgize û bon kirûz dekat Her sewzegyaye û reş debê Her kanîye û wişk debê Korpe û minal û pyawî pîr Kîjole û kîj û daykî pîr Dest le miln rakşawin Hezaranin rakşawin Paş lexodan firmêskiriştin Be qûlî rwanîme asman Bo yek wişe legel yezdan Key disênî toley kurdan?