Jamal Khambar
هەرچی مینای دڵەکان بوو هەڵیانوەراند ئەو هەموو گۆزە جوانەیان شکاند ئەو هەموو کانی و ئاوەیان گوێزایەوە هەرچی کەڵەکی ژنان و سەکۆی ئێوارانی بەر ماڵان بوو هەرچی قیبلە هەبوو قیبلەی نوێژ و قیبلەی عیشق و قیبلەی شۆڕش هەر هەموویان ورد و خاش کرد ئەم جەنەتەیان بە ئاوی خەتاکان بەخشی ئەم هەموو نوێژەیان لە دوعاکان بێبەری کرد ئەم هەموو شارەزوورەیان کردە تەنوورێک بۆ نانی ئەم هەموو خۆڵەمێشەیان لە پشکۆکان نیگەران کرد ئەوان ئەوان کە هاتن وەرزە ئاڵەکانی عەدەمیان پێ بوو ئەوان کە هاتن ڕەوە کوللەی ناو میحنەتەکانی مێژوو بوون هەوای دۆزەخ هێنابوونی کە هاتن کە هاتن مەوسمی گۆرانی و شەوقی ئەو هەموو ساڵەیان خستە چاڵێک ئاگرەوە ئەو هەموو دەرگایەیان لەسەر تەنیایی ڕۆحەکان داخست ئەو هەموو خەونەیان بەسەر چڵێکی وەحشەتەوە جێ هێشت بەرتیلەکانی مناڵی و چرۆکانی بەرائەتیان هەر بە سەوزی بۆ *؟ فڕێ دا ئەوان هەر لە ئەزەڵەوە هەر وا بوون جوانترین گەمەیان کوشتن و ناسکترین وشەیان خوێن بووە ئەوان کە هاتن کە هاتن هەڕچی ماڵی سپی کچە عازەبەکان هەبوو ڕووخاندیان هەرچی هێلانەی ئاوریشمی عیشق هەبوو سووتاندیان ئەوان ئاوێنەی حەوزێکی لیخنیشیان نەهێشتەوە درەختە ڕیشسپییەکانی ئاوایی لە بەریا دەسنوێژ هەڵگرن ئەوان کە هاتن ڕەوە کوللەی پاش میحنەتەکانی مێژوو بوون بای دۆزەخ هەڵیگرتبوون هەرچییان کرد هەرچییان برد خۆیان و خوا و تراکتۆرەکان نەبێ کەس نەیزانی کەس نەیزانی پاوانەکانی موحیببەت پاوانەکانی موحیببەت گەر ئەمجارە زرنگەیان لێوە بێ غافڵە لە ڕێی عەجەمەوە ناگەڕێتەوە ئەمجارەیان غافڵەکان لە 'عەرعەر'ەوە دێنەوە ئەمجارەیان غافڵەکان لە 'عەرعەر'ەوە دێنەوە کۆڵوانە و گۆزەی شکاو و قۆرییە چای بەجێماوی هێشتا گەرمی ئێوەیان پێیە هۆرەی کوژراو و ڕەشماڵی بێناز و فەقیانەی تەڕ و خوێناویی ئێوەیان هەڵگرتووە غافڵەکان لە 'عەرعەر'ەوە دێنەوە هەموو شتەکانیان پێوەیە ئێوە نەبێ پووزەوانەی بێ قاچ و چاوەزاری شکاوی سەر دەرگای فیردەوسە ڕووخاوەکانیان بار کردووە لەوێوە لە وڵاتی بیابانەوە دێنەوە ئێوەیان لەگەڵدا نین، نا بە ناوی ئێوەوە مەملەکەتێک لە ژێر لمدا میرنشینێکی بێ میر و بەبێ ڕەعیەت وڵاتێکی بەبێ ئاڵا و بێ سروودی نیشتیمانی لەوێدا لەو سەحرایەدا ئیعلان کرا بە ناوی ئێوەوە لە پێشەکی چاپی دەیەمی ئینجیلدا مەسیح نووسیبووی کێ ئەنفالم بۆ ئەخاتە ڕستەوە لە خاچەکەم دێمە خوارێ و سەری خۆمی پێ ئەبەخشم قافڵەکان لەوێوە لە مەملەکەتی لمەوە بۆ ئێرەی بێ ئاگر و ئێرەی بێ باران دێنەوە قافڵەکان پڕن لە میعراج و فانۆس و داری عوود پڕن لە نۆقڵ و مێوژی هەموو شەوە موبارەکەکانی ئێرا شەوانی بەراتی ئێوە نەبێ گەڵای هەموو یادگارییەکانیان پێیە نووزە و هەنسکی ئێوە نەبێ هەموو تابلۆکانیان هەڵگرتووە پۆرترێتی ڕووی مەلوولی ئێوە نەبێ قافڵەکان هێندە بێ مروەتن کە دێنەوە گەرمترین هەواڵی دنیایان پێیە دواخەبەری ماڵاوایی ئێوە نەبێ لە خاک ئێوە کە گەیشتنە ئەوێ هێشتا کە بۆنی ڕەیحانە و بۆنی مێخەکتان لێ ئەهات ئێوە کە گەیشتنە ئەوێ بیابان بە هاوارەکانی خۆی وت سەرنجێ لەم گوڵە حەسرەتییانە بدەن ئەڵێی تازە لە ناو بەهەشتەوە هاتوون کە گەیشتن گۆرانیتان بیر چووبووەوە بە ناو درزەکانی زەمیندا بە چرای حوزنەوە بۆ ترپەی دڵەکان بۆ قومێک خۆشەویستی و بۆ چنگێک هەوری سەبووری ئەگەڕان لەو ئێوارە سەختانەدا کێ ئەیتوانی ئازارێکتان ژیر کاتەوە کێ ئەیتوانی ئازارێکتان بلاوێنێ ئێوە کە گەیشتنە ئەوێ هەموو شتێک تەواو ببوو هەموو شتێک ڕەنگی قەدەرتان لە ڕەنگی سەحرا ئەچوو بە بێدەنگی ئەڕژانە ئینجانەکانی مەرگەوە لەو مەملەکەتە بێ کەنارەی لمدا ئاگر کە سەیری ئەکردن شەرمەزار بوو ئێوە کە گەیشتنە ئەوێ دەمێک بوو خۆڵ باریبووە سەر دڵ و چاوتان دەمێک بوو کاغەز و جزدان و دەفتەری بەر باخەڵتان بە خوێنی ئەم کۆچە تەڕ ببوو ئێوە کە گەیشتنە ئەوێ ساڵ درەنگە فەسڵەکانی چاوەڕوانی بەسەر چوون و قافڵەکانیش گەیشتن و ئێوە چاوێکتان هەڵنەبڕی ئێوە نامەیەکتان نەنارد بەبێ گەڕانەوەی ئێوە فیراق دوا ویستگەمە ئێستا بەبێ پێکەنینی ئێوە گریان دوا جیلوەمە ئێستا تۆش ئەی زاکیرەی ئەنفالکراوم دەرنگە خۆت کۆ کەرەوە درەنگە خۆت کۆ کەرەوە بە دیار ئێوارەیێکەوە دامەنیشە ئەستێرەی تێدا هەڵ نایێت چاوەڕوانی هاتنەوەی مناڵێک مەکە دەستەکانی پڕن لە دووکەڵ چاوەڕوانی چی ئەکەیت ئیتر گۆزەکان لە کانی نایەنەوە کچە ئەسمەرەکان لەجیاتی سوخمە و مەمکدان گوڵەزەنبەقی مردن بە سنگیان هەڵەواسن درەنگە خۆت کۆ کەرەوە ساڵ درەنگە فەسڵەکانی چاوەڕوانی بەسەر چوون و قافڵەکانیش گەیشتن و ئەوان چاوێکیان هەڵنەبڕی ئەوان نامەیەکیان نەنارد ئەوان نامەیەکیان نەنارد ئەوان چاوێکیان هەڵنەبڕی درەنگە خۆت کۆ بکەرەوە
Herçî mînay dilekan bû helyanwerand Ew hemû goze cwaneyan şikand Ew hemû kanî û aweyan gwêzayewe Herçî kelekî jinan û sekoy êwaranî ber malan bû Herçî qîble hebû Qîbley nwêj û qîbley ’îşq û qîbley şorş Her hemûyan wird û xaş kird Em ceneteyan be awî xetakan bexşî Em hemû nwêjeyan le du’akan bêberî kird Em hemû şarezûreyan kirde tenûrêk bo nanî Em hemû xolemêşeyan le pişkokan nîgeran kird Ewan Ewan ke hatin werze alekanî ’edemyan pê bû Ewan ke hatin rewe kulley naw mîhnetekanî mêjû bûn Heway dozex hênabûnî Ke hatin Ke hatin mewsimî goranî û şewqî ew hemû saleyan Xiste çalêk agirewe Ew hemû dergayeyan leser tenyayî rohekan daxist Ew hemû xewneyan beser çilêkî wehşetewe cê hêşt bertîlekanî minalî û çirokanî bera’etyan her be sewzî bo *? firê da Ewan her le ezelewe her wa bûn Cwantirîn gemeyan kuştin Û naskitrîn wişeyan xwên buwe Ewan ke hatin Ke hatin herçî malî sipî kiçe ’azebekan hebû rûxandyan Herçî hêlaney awrîşmî ’îşq hebû sûtandyan Ewan awêney hewzêkî lîxnîşyan nehêştewe Direxte rîşsipîyekanî awayî le berya desniwêj helgirin Ewan ke hatin rewe kulley paş mîhnetekanî mêjû bûn Bay dozex helîgirtibûn Herçîyan kird Herçîyan bird Xoyan û xwa û tiraktorekan nebê Kes neyzanî Kes neyzanî Pawanekanî muhîbbet Pawanekanî muhîbbet ger emcare ziringeyan lêwe bê Xafle le rêy ’ecemewe nagerêtewe Emcareyan xaflekan le '’er’er'ewe dênewe Emcareyan xaflekan le '’er’er'ewe dênewe Kolwane û gozey şikaw û qorîye çay becêmawî hêşta germî êweyan pêye Horey kujraw û reşmalî bênaz û feqyaney ter û xwênawîy êweyan helgirtuwe Xaflekan le '’er’er'ewe dênewe Hemû şitekanyan pêweye êwe nebê Pûzewaney bê qaç û çawezarî şikawî ser dergay fîrdewse rûxawekanyan bar kirduwe Lewêwe le wilatî byabanewe dênewe Êweyan legelda nîn, na Be nawî êwewe memleketêk le jêr limda Mîrinşînêkî bê mîr û bebê re’yet Wilatêkî bebê ala û bê sirûdî nîştîmanî lewêda Lew sehrayeda î’lan kira Be nawî êwewe le pêşekî çapî deyemî încîlda Mesîh nûsîbûy Kê enfalim bo exate ristewe Le xaçekem dême xwarê Û serî xomî pê ebexşim Qaflekan lewêwe le memleketî limewe Bo êrey bê agir û êrey bê baran dênewe Qaflekan pirn le mî’rac û fanos û darî ’ûd Pirn le noqil û mêwjî hemû şewe mubarekekanî êra Şewanî beratî êwe nebê Gelay hemû yadgarîyekanyan pêye Nûze û heniskî êwe nebê Hemû tablokanyan helgirtuwe Portirêtî rûy melûlî êwe nebê Qaflekan hênde bê mirwetin ke dênewe Gerimtirîn hewalî dinyayan pêye Dwaxeberî malawayî êwe nebê le xak Êwe ke geyştine ewê Hêşta ke bonî reyhane û bonî mêxektan lê ehat Êwe ke geyştine ewê Byaban be hawarekanî xoy wit Serincê lem gule hesretîyane biden Elêy taze le naw beheştewe hatûn Ke geyştin goranîtan bîr çûbuwewe Be naw dirzekanî zemînda be çiray huznewe Bo tirpey dilekan Bo qumêk xoşewîstî Û bo çingêk hewrî sebûrî egeran Lew êware sextaneda kê eytiwanî azarêktan jîr katewe Kê eytiwanî azarêktan bilawênê Êwe ke geyştine ewê hemû şitêk tewaw bibû Hemû şitêk Rengî qedertan le rengî sehra eçû Be bêdengî erjane încanekanî mergewe Lew memlekete bê kenarey limda Agir ke seyrî ekirdin şermezar bû Êwe ke geyştine ewê Demêk bû xol barîbuwe ser dil û çawtan Demêk bû kaxez û cizdan û defterî ber baxeltan Be xwênî em koçe ter bibû Êwe ke geyştine ewê Sal direnge feslekanî çawerwanî beser çûn Û qaflekanîş geyştin Û êwe çawêktan helnebrî Êwe nameyektan nenard Bebê geranewey êwe fîraq dwa wîstigeme êsta Bebê pêkenînî êwe giryan dwa cîlweme êsta Toş ey zakîrey enfalkirawim deringe xot ko kerewe Direnge xot ko kerewe Be dyar êwareyêkewe damenîşe estêrey têda hel nayêt Çawerwanî hatnewey minalêk meke destekanî pirn le dûkel Çawerwanî çî ekeyt Îtir gozekan le kanî nayenewe Kiçe esmerekan lecyatî suxme û memkidan Gulezenbeqî mirdin be singyan helewasin Direnge xot ko kerewe Sal direnge feslekanî çawerwanî beser çûn Û qaflekanîş geyştin Û ewan çawêkyan helnebrî Ewan nameyekyan nenard Ewan nameyekyan nenard Ewan çawêkyan helnebrî Direnge xot ko bikerewe