Hasan Kakayi
کۆنەهەوار ئەی بەهەشتە بێ وێنەکەم هەوێنی ژین ئەی ڕەوگە دڵڕفێنەکەم چەم و کانیت، چیا و باغت پڕ لە ڕازن هەزار چەشنە هەوێنی شیعر و ئاوازن با بە یادی ڕۆژانی شادی دڵداری سوجدە بەم بۆ خاک و خۆڵ و بەرد و داری لە هەر دارێ چەپکەگوڵێک یادگارێ وچانێ دەی لە جێژوانی کۆنەیارێ کۆنەهەوار ئەی بەهەشتە بێ وێنەکەم ئازارگەستە هاودەردە دڵ بە خوێنەکەم بۆچی تاری تریفەی ڕوون؟ بە چی تاری؟ چییە باری کەلی زستان لە تۆ باری؟ توخوا هەستە ئەوە سروەی بەیانی دێ بەهاری کەسک و سووری زیندەگانی دێ تا لە ناخی ژان و ژینتا نەتوێمەوە نەتوێمەوە لەو ئەوینەش هەتا مردن ناکشێمەوە زەمانە گوڵێکی دامێ لێی ستاندم بۆنم پێوە نەکرد لێی هەڵپساندم ڕیشەی جەرگ و دڵم بوو ئەو گوڵەی من فەلەک زۆر بێوەفا بوو لێی ستاندم ئەی گوڵەکەم وەی گوڵەکەم بۆنخۆشەکەم پاشی باڵاکەی تۆ دڵ بە کێ خۆش کەم سەبەبکارت زەلیل و قوڕبەسەر بێ شەو و ڕۆژ خواردنی خوێنی جگەر بێ غەریب مابووم لە تارانێ بۆ وات کرد ئەسیر ماوم لە زیندانێ بۆ وات کرد هەی بۆ وات کرد گوڵم بۆ وات کرد تۆ بۆ وات کرد بە خاتری قەوم و خێڵ ماڵە من و خۆت خرا کرد شایی و شینم تێکەڵ بوو ئەی گوڵی من بەهارە پەڕپەڕە و ژاکا گوڵی من ئەی گوڵەکەم وەی گوڵەکەم بۆنخۆشەکەم پاشی باڵاکەی تۆ دڵ بە کێ خۆش کەم
Konehewar ey beheşte bê wênekem Hewênî jîn ey rewge dilrifênekem Çem û kanît, çya û baxit pir le razin Hezar çeşne hewênî şî’ir û awazin Ba be yadî rojanî şadî dildarî Sucde bem bo xak û xol û berd û darî Le her darê çepkegulêk yadgarê Wiçanê dey le cêjwanî koneyarê Konehewar ey beheşte bê wênekem Azargeste hawderde dil be xwênekem Boçî tarî tirîfey rûn? be çî tarî? Çîye barî kelî zistan le to barî? Tuxwa heste ewe sirwey beyanî dê Beharî kesk û sûrî zîndeganî dê Ta le naxî jan û jînta netwêmewe netwêmewe Lew ewîneş heta mirdin nakşêmewe Zemane gulêkî damê lêy sitandim Bonim pêwe nekird lêy helpisandim Rîşey cerg û dilim bû ew guley min Felek zor bêwefa bû lêy sitandim Ey gulekem wey gulekem bonxoşekem Paşî balakey to dil be kê xoş kem Sebebkarit zelîl û qurbeser bê Şew û roj xwardinî xwênî ciger bê Xerîb mabûm le taranê bo wat kird Esîr mawim le zîndanê bo wat kird Hey bo wat kird gulim bo wat kird To bo wat kird Be xatrî qewm û xêl male min û xot xira kird Şayî û şînim têkel bû ey gulî min Behare perpere û jaka gulî min Ey gulekem wey gulekem bonxoşekem Paşî balakey to dil be kê xoş kem