Shamal abarash
دواوانەکەی شوێن ماڵە گەورە سەرەوخوار ئەڕۆی بە پێچ و دەورە تۆ بە ڕووناکی وێنەی بلووری ئاوی زیندەگیی گشت شارەزووری ئەناڵم ئەڵێم تۆ وەک ئاوێنەی بۆ شوێن دەستکردی کردگار وێنەی بۆچ پێم نانوێنی وێنەی فۆتۆگراف وێنەی شیرینی نازدارانی جاف نموونەی دەستی پەروەردگار بوون بە دەوری تۆئا گوڵی بەهار بوون بە شەدەی لار و کراسی کەتان وەک مانگ 'کەتان'ی جەرگیان ئەسووتان ئەو لەش و لارە بە شڵپەی مەلە دڵی دڵداریان ئەخستە پەلە ئای بۆ 'پەری خان' نازداری جافان ئاهووی زەڕباهووی عەنبەرکڵافان توخوا ئاوەکەی بۆن گوڵاوەکان بۆ سەرچاوەکە کەمێ لاوەکە بڕوانم ئاخۆ جامی فۆتۆگراف نیشانم نادا شێوەی ئێڵی جاف نە ئەو دەبدەبە و سەر ئەو سەر ئاوە ئێستا ئەفسانە و نەخشی سەر ئاوە ئەم دڕک و داڵە و ئەم قەل و داڵە مانەوە لە شوێن ئەو گەورەماڵە نازداران بوونە ماسی دواوان بە بۆمبای ڕاوکەر کەوتنە سەر ئاوان لە تاوەی جەوری چەپی چەپگەردا ئەوان ئەسووتێن منیش لە هەردا وێڵ و ئاوارەی ئێڵی مورادیم نزیک لە مەرگم دووریش لە شادیم لە شوێن سەر مەلا و ئەڵڵاهوئەکبەر کاری کار ئەکا و ستریت بە جۆکەر ئێستاکە ڕێی کۆچ گوشادە و ئاسان کوا سەرئێڵ کۆچی لێخوڕێ بۆ کوێستان
Dwawanekey şwên male gewre Serewxiwar eroy be pêç û dewre To be rûnakî wêney bilûrî Awî zîndegîy gişt şarezûrî Enalim elêm to wek awêney Bo şwên destikirdî kirdigar wêney Boç pêm nanwênî wêney fotograf Wêney şîrînî nazdaranî caf Nimûney destî perwerdigar bûn Be dewrî to’a gulî behar bûn Be şedey lar û kirasî ketan Wek mang 'ketan'y cergyan esûtan Ew leş û lare be şilpey mele Dilî dildaryan exsite pele Ay bo 'perî xan' nazdarî cafan Ahûy zerbahûy ’enberkilafan Tuxwa awekey bon gulawekan Bo serçaweke kemê laweke Birwanim axo camî fotograf Nîşanim nada şêwey êlî caf Ne ew debdebe û ser ew ser awe Êsta efsane û nexşî ser awe Em dirk û dale û em qel û dale Manewe le şwên ew gewremale Nazdaran bûne masî dwawan Be bombay rawker kewtine ser awan Le tawey cewrî çepî çepgerda Ewan esûtên minîş le herda Wêl û awarey êlî muradîm Nizîk le mergim dûrîş le şadîm Le şwên ser mela û ellahu’ekber Karî kar eka û sitrît be coker Êstake rêy koç guşade û asan Kwa ser’êl koçî lêxurê bo kwêstan