Hama Jaza
بەهار بوو فەسڵی زستانم ئەگەر یارم لەگەڵ بایە درۆیە گەر گوتوویانە بە خونچێکی بەهار نایە لە بارانێ مەپرسە تا هەور بگرێ بەری ڕۆژێ دەبێ بگریم هەتا ڕووی تۆ لە ژێر چارشێوی ڕەشدایە هەناسەم لادەدا چارشێو و ڕووبەندی ڕەشت ئاخر هەور هەرچەندە پڕ بێ کوا حەریفی قودرەتی بایە؟ بەهار بوو فەسڵی زستانم ئەگەر یارم لەگەڵ بایە درۆیە گەر گوتوویانە بە خونچێکی بەهار نایە لە ژێر سایەی برۆکەتدا حوکمڕانی دەکا چاوت لە سایەی دووخی شمشێرە کە حاکم حوکمی ئیجرایە لەسەر بەفرێ بەکار نایە وەکو بیستوومە داوی ڕەش لەسەر کوڵمەت ئەدی بۆ دڵگرە ئەو بسکە تاتایە؟ بەهار بوو فەسڵی زستانم ئەگەر یارم لەگەڵ بایە درۆیە گەر گوتوویانە بە خونچێکی بەهار نایە بزەت نایەتە سەر لێو و بەزەییت نایە بە حاڵمدا ئەگەرچی زۆر لە مێژساڵە لە دووت دەخشێم وەکوو سایە دەزانی بۆچی من هێندە پەرێشان و خەفەتبارم لە بازاڕی ژیان غەیری هونەر نیمە چ سەرمایە بەهار بوو فەسڵی زستانم ئەگەر یارم لەگەڵ بایە درۆیە گەر گوتوویانە بە خونچێکی بەهار نایە
Behar bû feslî zistanim eger yarim legel baye Diroye ger gutûyane be xunçêkî behar naye Le baranê mepirse ta hewir bigrê berî rojê Debê bigrîm heta rûy to le jêr çarşêwî reşdaye Henasem ladeda çarşêw û rûbendî reşit axir Hewir herçende pir bê kwa herîfî qudretî baye? Behar bû feslî zistanim eger yarim legel baye Diroye ger gutûyane be xunçêkî behar naye Le jêr sayey biroketda hukmranî deka çawit Le sayey dûxî şimşêre ke hakim hukmî îcraye Leser befrê bekar naye weku bîstûme dawî reş Leser kulmet edî bo dilgire ew biske tataye? Behar bû feslî zistanim eger yarim legel baye Diroye ger gutûyane be xunçêkî behar naye Bizet nayete ser lêw û bezeyît naye be halimda Egerçî zor le mêjsale le dût dexşêm wekû saye Dezanî boçî min hênde perêşan û xefetbarim Le bazarî jiyan xeyrî huner nîme çi sermaye Behar bû feslî zistanim eger yarim legel baye Diroye ger gutûyane be xunçêkî behar naye