Ezîz Şarox
بناغە و چینی دیواری تەلاری بەرزی دڵداری بە سەر لانەی دڵا ڕووخا، تەپوتۆزی خەمی هێنا بەدووی باڵداری ئاواتی، فڕیوی بێ سەروشوێنا دەسا ئەی پاییزی ماتەم، ئەوەندەم تاسە پێ ماوە هەموو ئەو یادگارەی لەو ژیانی عەشقە جێ ماوە بەجارێ وەک گەڵا سروەی خەزانت گشتی ڕاماڵێ بەوردی هەر گەڵایێکی، ببا بۆ قوژبن و چاڵێ دەبا ڕەشبا لە دواییدا لە بیابانی لماویدا تەپوتۆزێکی وا بێنێ، هەوا یەکجاری بخرۆشێ سەری ئەو قوژبن و چاڵە، وەکوو گۆڕیچکە داپۆشێ لەپاشانا بە بای وەشتا، لەسەردا هەوری ڕەش بێنێ بە گۆڕی یادگارا، با بەخوڕ تاوێ ببارێنێ دە با بمرێ بە یەکجاری لە گۆڕی تەنگ و تەنیادا نیشانە و ناوی هەڵگیرێ لەناو بازاڕی دنیادا
Binaxew çînî dîwarî Telarî berzî dildarî Be ser laney dila rûxa, teputozî xemî hêna Bedûy baldarî awatî, firîwî bê seruşwêna Desa ey payîzî matem, ewendem tase pê mawe Hemû ew yadgarey lew jyanî ’eşqe cê mawe Becarê wek gela sirwey xezanit giştî ramalê Bewrdî her gelayêkî, biba bo qujbnû çalê Deba reşba le dwayîda Le byabanî limawîda Teputozêkî wa bênê, hewa yekcarî bixroşê Serî ew qujbnû çale, wekû gorîçke dapoşê Lepaşana be bay weşta, leserda hewrî reş bênê Be gorî yadgara, ba bexur tawê bibarênê De ba bimrê be yekcarî le gorî tengû tenyada Nîşanew nawî helgîrê lenaw bazarî dinyada