Mîkaîl Mehabadî
مناڵەکان! مناڵەکان! ئەی برسییە ژینتاڵەکان ئەی یاخییە ژینتاڵەکان دەسگیرانم کۆترێکی دیاربەکرە حەزی لە چیا و قاسپەی کەو و ڕەنگی* بەفرە بۆ گواستنەوەی زنجیری* چیام قەف قەف بڕی ڕۆژژمێرم پەڕ پەڕ دڕی پەساپۆرتم؟ ئاوات و زەردەخەنە بوو کیسێک کە لە دەرگای سنوورم دا* لەباتی ماچ ماچی گەرمی دەسگیرانم تفی زەردی پۆستاڵڕەشێک هات، سواخی دا ناوچەوانم! مناڵەکان ئەی برسییە ژینتاڵەکان لەسەر سینگە نەوتاوییەکەی بابەگوڕگوڕ نزیک تاڤگەی سەروژووری زێڕینی گڕ گڵکۆیەکی بچکۆلەم دی لێی نووسرابوو ئا لێرەدا مناڵێکی چاوگەشی کورد لە برسا مرد، لە برسا مرد ئەلێرەدا مناڵێکی چاوڕەشی کورد لە برسا مرد ڕەنگی*= شاعیر «دەنگی» نووسیوە زنجیری*= شاعیر «زنجیرەی» نووسیوە کیسێک کە لە دەرگای سنوورم دا*= شاعیر «کلدان و کیسێک خەنە بوو»ی نووسیوە وەرگیرانی دەق: https://allekok.ir
Minalekan! minalekan! Ey birsîye jîntalekan Ey yaxîye jîntalekan Desgîranim kotrêkî dyarbekire Hezî le çyaw qaspey kewû rengî* befre Bo gwastinewey Zincîrî* çyam qef qef birî Rojjimêrim per per dirî Pesaportim? Awatû zerdexene bû Kîsêk ke le dergay sinûrim da* Lebatî maç Maçî germî desgîranim Tifî zerdî postalreşêk Hat, swaxî da nawçewanim! Minalekan Ey birsîye jîntalekan Leser sînge newtawîyekey babegurgur Nizîk tavgey serujûrî zêrînî gir Gilkoyekî biçkolem dî lêy nûsrabû a lêreda Minalêkî çawgeşî kurd Le birsa mird, le birsa mird Elêreda minalêkî çawreşî kurd Le birsa mird Rengî*= şa’îr «dengî» nûsîwe Zincîrî*= şa’îr «zincîrey» nûsîwe Kîsêk ke le dergay sinûrim da*= şa’îr «kildanû kîsêk xene bû»y nûsîwe Wergîranî deq: https://allekok.ir