Nasir Rezazî
هەرچەن ئەکەم ئەو خەیاڵەی پێ مەستم بۆم ناخرێتە ناو چوارچێوەی هەڵبەستم لێکدانەوەی دەروون قسەی زمانم بۆچی وەها دوورن لە یەک، نازانم ئەمویست دەروون بگرایە وەک تۆمار دەرکەوتایە دنیای جوانتر لە بەهار دەرکەوتایە ئاوات، هیوا، خەوبینین پرشنگدارتر لە ئەستێرەی قوبەی ژین دەرکەوتایە مانای مەنگی دەریایی کە نەرمەبا لە ڕووی ئەدا ئەسپایی دەرکەوتایە ئەو دنیایە کە شێعری بێ فرمێسکە و زۆرتر لە فرمێسک ئەگری بەڵام ئەفسووس! بەڵام ئەفسووس کە ئەو شێعرە جوانانە باڵدارێکن جێ ناهێڵن هێلانە لەناوەوە ئەجریوینن، ئەخوێنن هەرگیز قەڵەم بە کاغەزا ناهێنن ئۆخەی ئۆخەی بووک مریێم ئەتۆ گوارەی ئەمن گوێم ساعەت لە چواری شەوێ جوانێ پیاو مەنێرە بۆخۆم دێم زەلیلی لەیلی بێ مەیل مەجنوونی کێو و دەشتم بێ یار و کار و بارم هاوار ڕەفێقی وەحشییانم ئۆخەی ئۆخەی بووک مریێم ئەتۆ گوارەی ئەمن گوێم ساعەت لە چواری شەوێ جوانێ پیاو مەنێرە بۆخۆم دێم بە دەشتی پڕجنوونی ئاخەوە مەجنوونی شەیدا خۆم بە شاخی بێستوونی داخەوە فەرهادی ڕسوا خۆم منم هەردوو دەسم لێ بۆتە تێغی تیژی سەرهەنگان بەدەس ئەسکەندەری گەردوونەوە بێچارە دارا خۆم لە سەحرای پڕ لە تۆز و گێژەڵووکەی دڵشکستیدا بەدەم بای ئاهەوە هاوسانی دڕک و داڵی سەحرا خۆم چاوت ئەستێرەی ڕۆژێ ئەبرۆت لە خەو دەمێنێ شێخی گەرمێن و کوێستان جوانێ غەوس بێ لە منت نەسێنێ ئۆخەی ئۆخەی بووک مریێم ئەتۆ گوارەی ئەمن گوێم ساعەت لە چواری شەوێ جوانێ پیاو مەنێرە بۆخۆم دێم ساعەت لە چواری شەوێ ئەی وەی پیاو مەنێرە بۆخۆم دێم
Herçen ekem ew xeyaley pê mestim Bom naxrête naw çwarçêwey helbestim Lêkdanewey derûn qisey zimanim Boçî weha dûrin le yek, nazanim Emwîst derûn bigraye wek tomar Derkewtaye dinyay cwantir le behar Derkewtaye awat, hîwa, xewbînîn Pirşingidartir le estêrey qubey jîn Derkewtaye manay mengî deryayî Ke nermeba le rûy eda espayî Derkewtaye ew dinyaye ke şê’rî Bê firmêske û zortir le firmêsk egrî Belam efsûs! Belam efsûs ke ew şê’re cwanane Baldarêkin cê nahêln hêlane Lenawewe ecrîwînin, exwênin Hergîz qelem be kaxeza nahênin Oxey oxey bûk miryêm eto gwarey emin gwêm Sa’et le çwarî şewê cwanê pyaw menêre boxom dêm Zelîlî leylî bê meyl mecnûnî kêw û deştim Bê yar û kar û barim hawar refêqî wehşîyanim Oxey oxey bûk miryêm eto gwarey emin gwêm Sa’et le çwarî şewê cwanê pyaw menêre boxom dêm Be deştî pircinûnî axewe mecnûnî şeyda xom Be şaxî bêstûnî daxewe ferhadî riswa xom Minim herdû desim lê bote têxî tîjî serhengan Bedes eskenderî gerdûnewe bêçare dara xom Le sehray pir le toz û gêjelûkey dilişkistîda Bedem bay ahewe hawsanî dirk û dalî sehra xom Çawit estêrey rojê ebrot le xew demênê Şêxî germên û kwêstan cwanê xews bê le minit nesênê Oxey oxey bûk miryêm eto gwarey emin gwêm Sa’et le çwarî şewê cwanê pyaw menêre boxom dêm Sa’et le çwarî şewê ey wey pyaw menêre boxom dêm