Nasir Rezazî
ئەگەر کوردێک قسەی بابی نەزانی موحەققەق داکی حیزە، بابی زانی وەرە با بۆت بکەم باسی نیهانی تەفەننون خۆشە گەر چاکی بزانی سەلاحەددین و نوورەددینی کوردی عەزیزانی جزیر و مووش و وانی موهەلهەل، ئەردەشێر و دەیسەمی شێر قوباد و باز و میری ئەردەلانی ئەمانە پاکیان کوردن، نیهایەت لەبەر بێدەفتەری ون بوون و فانی کتێب و دەفتەر و تەئریخ و کاغەز بە کوردی گەر بنووسرایە زوبانی مەلا و شێخ و میر و پادشامان هەتا مەحشەر دەما ناو و نیشانی بە زیددی میر و پاشامان بڕاوە بەسە با بێینە سەر ڕێی میهرەبانی کە دەیگوت شێخی من: من دەستگیرم لەلام وا بوو لەبەر جەهل و جوانی کە پیر بووم تێ گەیشتم دەستی گرتم لە کەسب و کار و تەحسیلی مەعانی بەڵێ شێخ قوتبە ئەمما قوتبی ئاشە بە ئاو و نیعمەتی خەڵقە گەڕانی لە بۆ ژن دێ لە کۆڵان وەک سەگی هار لە ژن هەڵدێ بە میسلی کەر لە خانی بڵێ بەو سەرکزۆڵەی کوزپەرستە بە چاوی کلدراو و ڕیشی پانی کە نەفعێکت نەبێ بۆ دین و دەوڵەت بە من چی نەقشبەندی یا نە مانی کەسێ پیاوە کە دانێ وەک حەماغا لە بۆ ئەبنایی جینسی نان و خوانی وە یاخود وەک ئەمین ئاغا بە هیممەت بکا بۆ قەسری میللەت پاسەبانی بڵێ لەم بەحسە هەر کەس مونکیری تۆن بفەرموو سەهلە ڕێگەی ئیمتیحانی بە ئوممێدی دووسێ دانایە حاجی بە هەرزانی دەدا دوڕڕی گرانی هۆنراوە: حاجی قادر کۆیی
Eger kurdêk qisey babî nezanî Muheqqeq dakî hîze, babî zanî Were ba bot bikem basî nîhanî Tefennun xoşe ger çakî bizanî Selaheddîn û nûreddînî kurdî ’ezîzanî cizîr û mûş û wanî Muhelhel, erdeşêr û deysemî şêr Qubad û baz û mîrî erdelanî Emane pakyan kurdin, nîhayet Leber bêdefterî win bûn û fanî Kitêb û defter û te’rîx û kaxez Be kurdî ger binûsraye zubanî Mela û şêx û mîr û padşaman Heta mehşer dema naw û nîşanî Be zîddî mîr û paşaman birawe Bese ba bêyne ser rêy mîhrebanî Ke deygut şêxî min: min destigîrim Lelam wa bû leber cehil û cwanî Ke pîr bûm tê geyştim destî girtim Le kesb û kar û tehsîlî me’anî Belê şêx qutbe emma qutbî aşe Be aw û nî’metî xelqe geranî Le bo jin dê le kolan wek segî har Le jin heldê be mîslî ker le xanî Bilê bew serkizoley kuzperiste Be çawî kildiraw û rîşî panî Ke nef’êkit nebê bo dîn û dewlet Be min çî neqşibendî ya ne manî Kesê pyawe ke danê wek hemaxa Le bo ebnayî cînsî nan û xwanî We yaxud wek emîn axa be hîmmet Bika bo qesrî mîllet pasebanî Bilê lem behse her kes munkîrî ton Bifermû sehle rêgey îmtîhanî Be ummêdî dûsê danaye hacî Be herzanî deda durrî giranî Honrawe: hacî qadir koyî