Emîn Gerdîglanî
بە دەستی خۆت بە فیڕۆ بۆ دەدەی ژین و ژیانی خۆت؟ شەقامی ڕەش ببینە و تێپەڕینی ساتەکانی خۆت! بە سەر شان و ملتدا ناسەپێ ئازار و ڕەشبەختی هەتا خۆت حەز نەکەیت و تا وەکوو هەڵنەگرێ شانی خۆت! بە دەست خۆتە لە دنیا دیتنی کابووس و خەونی خۆش ئیتر بۆچی بە دەستی خۆت لە دۆزەخ داوی گیانی خۆت؟ ژیان بوومی سپی و دنیا هەموو ڕەنگێکی تێدایە لە دەست خۆت دایە فڵچە و وێنەگەر هەر خۆتی، مانی خۆت! لەبەر چی هێندە لاڕێی و بەرەو تاریکی خۆدەکوتی؟ ئەوەی پێی ڕەش دەبێ دڵ، چاوی ڕەشبینە، دەزانی خۆت بە لێوی ویشکەوە کەوتوویە ڕێ، دەخوشێی بەرەو مردن سەرت هەڵگرتووە و دەشزانی توونی خۆتی، کانی خۆت لە ئەشکەوتی سەرتدا ئاوی ژین قوڵپە و کەفوکوڵیە خودا هەرخۆتی، ڕوح خۆتی، ژیان و خزری سانی خۆت!
Be destî xot be fîro bo dedey jîn û jyanî xot? Şeqamî reş bibîne û têperînî satekanî xot! Be ser şan û miltida nasepê azar û reşbextî Heta xot hez nekeyt û ta wekû helnegrê şanî xot! Be dest xote le dinya dîtnî kabûs û xewnî xoş Îtir boçî be destî xot le dozex dawî gyanî xot? Jyan bûmî sipî û dinya hemû rengêkî têdaye Le dest xot daye filçe û wêneger her xotî, manî xot! Leber çî hênde larêy û berew tarîkî xodekutî? Ewey pêy reş debê dil, çawî reşbîne, dezanî xot Be lêwî wîşkewe kewtûye rê, dexuşêy berew mirdin Serit helgirtuwe û deşzanî tûnî xotî, kanî xot Le eşkewtî sertida awî jîn qulpe û kefukulye Xuda herxotî, ruh xotî, jyan û xizrî sanî xot!