Emîn Gerdîglanî
تان و پۆ خۆر کە دیتت ڕۆژ و شەو بێ ئۆقرە ھاتوچۆیەتی تاسەباری شیلەماچێکی دەمی ئاسۆیەتی گوڵ لە گڵ دەڕوێت و عەتری پێشکەشی شەوبا دەکا تیشکی خۆر و ئەشکی بارانیشە ڕەنگ و بۆیەتی گوێ لە ھاژە و ویرەویری ڕۆحی بەفراو ڕاگری تێدەگەی بۆ ھاتوچۆ بێھوودەکەی ڕۆڕۆیەتی ژینی کورت و پیرەدنیا ڕۆژی ڕەش کردین، کەچی گیانی بێ ھیوا بە ھیوای مانەوەی ئەمڕۆیەتی ئەو گڵەی وا دەم لە ژینا سەد دڵی بۆ کردە خوێن لاشەخۆری ھەر دەمە و ناخی ڕەشی گڵکۆیەتی گیان کە ناسکتر لە داوی وردی جاڵجاڵووکەیە "تان"ەکەی ئاوات و عەشقە و خۆشەویستی «پۆ»یەتی تۆ منی من تۆم لە قوڕگی کانییێکیش ھەڵقوڵاین گیانی ناسازت کەچی ھەر من من و تۆ تۆیەتی بۆ لە دووی ھۆکاری وێرانی مرۆ دەخولێتەوە دەغڵ و دان و ئاور و خەرمانەکەش ھەر خۆیەتی؟! دێی بە شلکی و ھەژگەڵی کاتێ لە دنیا دەردەچی دەبیە گرپە و دوا پشووشت دووکەڵ و بۆسۆیەتی!
Tan û po Xor ke dîtit roj û şew bê oqre hatuçoyetî Tasebarî şîlemaçêkî demî asoyetî Gul le gil derwêt û ’etrî pêşkeşî şewba deka Tîşkî xor û eşkî baranîşe reng û boyetî Gwê le haje û wîrewîrî rohî befraw ragrî Têdegey bo hatuço bêhûdekey roroyetî Jînî kurt û pîrednya rojî reş kirdîn, keçî Gyanî bê hîwa be hîway manewey emroyetî Ew giley wa dem le jîna sed dilî bo kirde xwên Laşexorî her deme û naxî reşî gilkoyetî Gyan ke naskitir le dawî wirdî calcalûkeye "tan"ekey awat û ’eşqe û xoşewîstî «po»yetî To minî min tom le qurgî kanîyêkîş helqulayn Gyanî nasazit keçî her min min û to toyetî Bo le dûy hokarî wêranî miro dexulêtewe Dexil û dan û awir û xermanekeş her xoyetî?! Dêy be şilkî û hejgelî katê le dinya derdeçî Debye girpe û dwa pişûşt dûkel û bosoyetî!