Şew nîye netlêmewe bê to be set azarewe
Ser neka firmêskî çawanim, be dem hawarewe
Wa le lay to, çarî azarî dilî pir derdî min
Nek be lay çînî hekîm û taqmî nijdarewe
Her demêkî dar û barê taze denwênî be min
Sexte rahatin legel em gişte dar û barewe
Laye tûşî serzeniştî awezim, des helgirim
Laye hestim pêm elê, karit nebê bem karewe
Sed keret herdem edem biryarî rizgarî, keçî
Her ke dêy, namênê tanupo be ew biryarewe
Erkî dildarî girane û bêxeter naçête pêş
Merdî em meydane ger nî, "fatîha" xo şarewe