Nasir Rezazî
دەخیلتم ساقییا تێکە درەنگە دڵم وریایە دنیا نەخشی سەنگە گیانە پەیاپەی بمدەرێ تۆ لەو شەرابە مەزەم لازم نییە جەرگم کەبابە گیانە دەخیلتم ساقییا ئەی گیانی شیرین نەڵێی کوانێ شەرابی مێوی خوێنین گیانە شەرابێ بێ کە مێوی نێژرابێ بە خوێناوی شەهیدان ئاو درابێ هەموو باغات و شاخی کوردەواری لە جێی باران بە سەریا خوێن ئەباری چارەی خەمی من مەی نییە مەیخانە بڵێ چی بەو دەردەوە مەی نامگرێ پەیمانە بڵێ چی پێم وا نییە لەم غەدرەوە فریام بکەوێ کەس ئەو دۆست بوو وەفای بۆم نەبوو بێگانە بڵێ چی چارەی خەمی من مەی نییە مەیخانە بڵێ چی بەو دەردەوە مەی نامگرێ پەیمانە بڵێ چی گیانە بۆ مەی نییە ساقی کە پەنا دێنمە ئێرە گیانە هەرکەس بە شەرابی خەمی جانانەیی تێرە هەر عاشقە سووچیشی نەبێ دەیخەنە ئەستۆی شەم ئاگری کردۆتەوە پەروانە بڵێ چی چارەی خەمی من مەی نییە مەیخانە بڵێ چی بەو دەردەوە مەی نامگرێ پەیمانە بڵێ چی گیانە تینوویە دەمێکە چەمەنی باخی ئەوینم ئەم باخە بدێرە وەرە مەی بێرە سەرینم تاوانی منە دەربەدری و دەردیسەری من مەل خۆی سەری خۆی هەڵگرێ هێلانە بڵێ چی
Dexîltim saqîya têke direnge Dilim wiryaye dinya nexşî senge Gyane peyapey bimderê to lew şerabe Mezem lazim nîye cergim kebabe Gyane dexîltim saqîya ey gyanî şîrîn Nelêy kwanê şerabî mêwî xwênîn Gyane şerabê bê ke mêwî nêjrabê Be xwênawî şehîdan aw dirabê Hemû baxat û şaxî kurdewarî Le cêy baran be serya xwên ebarî Çarey xemî min mey nîye meyxane bilê çî Bew derdewe mey namgirê peymane bilê çî Pêm wa nîye lem xedrewe firyam bikewê kes Ew dost bû wefay bom nebû bêgane bilê çî Çarey xemî min mey nîye meyxane bilê çî Bew derdewe mey namgirê peymane bilê çî Gyane bo mey nîye saqî ke pena dênme êre Gyane herkes be şerabî xemî cananeyî têre Her ’aşiqe sûçîşî nebê deyxene estoy Şem agirî kirdotewe perwane bilê çî Çarey xemî min mey nîye meyxane bilê çî Bew derdewe mey namgirê peymane bilê çî Gyane tînûye demêke çemenî baxî ewînim Em baxe bidêre were mey bêre serînim Tawanî mine derbedrî û derdîserî min Mel xoy serî xoy helgirê hêlane bilê çî