Aras Ajend
پاییز ئاماوە و دەردەداریی من خەزانوو وەشی و دڵ ئازاریی من هەواری چۆڵ و ئێنتزاری من تەمە و سەرکەشا و خەفەتباریی من وارە وارانوو بێقەراریی من ترەکا هەناروو تاسەباریی من خش خشوو گەڵای تاسێنێ خەیلێ چەمێ جە تاسەو دیڎاری کەیلێ جە سڵەوەو خەماو کەشوو بێمەیلێ کەوت ڕا جە خەم جە هەرسا سەیلێ بەش بەیۆ شنەی گوڵعوزاری من ترەکا هەناروو تاسەباریی من دەردی خەزانی خاس کاریێنێ پەڕ جە خەنجەرێ زامداریێنێ خەمێت عادەتێ ئێجباریێنێ ئینە گرد وەشە بیماریێنێ بۆ وینە ناڵەی وەفاداری من ترەکا هەناروو تاسەباریی من خەمت ئازیزا، چن خەم بەرکەرا هەناسە! خەمێت تا کۆگەم بەرا؟ سەرەی بی سەوڎا ئاخر کەی سەرا؟ ژیوای دوور جە تۆ باخی بێبەرا هەو ئازیز گوڵم! هەو نێگاری من ترەکا هەناروو تاسەباریی من
Payîz amawe û derdedarîy min Xezanû weşî û dil azarîy min Hewarî çol û êntzarî min Teme û serkeşa û xefetbarîy min Ware waranû bêqerarîy min Tireka henarû tasebarîy min Xiş xişû gelay tasênê xeylê Çemê ce tasew dîd̀arî keylê Ce slewew xemaw keşû bêmeylê Kewt ra ce xem ce hersa seylê Beş beyo şiney gul’uzarî min Tireka henarû tasebarîy min Derdî xezanî xas karyênê Per ce xencerê zamdarîyênê Xemêt adetê êcbarîyênê Îne gird weşe bîmarîyênê Bo wîne naley wefadarî min Tireka henarû tasebarîy min Xemt azîza, çin xem berkera Henase! Xemêt ta kogem bera? Serey bî sewd̀a axir key sera? Jîway dûr ce to baxî bêbera Hew azîz gulim! Hew nêgarî min Tireka henarû tasebarîy min